ကောလိပ်ဂျင်ဘ၀ တခဏ (ပထမပိုင်း)
တလောက စံဖရန်စစ်စကို တက္ကသိုလ်ထဲကို ကိစ္စတခုနဲ့ ရောက်ဖြစ်တယ်။ ကျောင်းချိန်အပြောင်းအလဲမို့ ကျောင်းသူကျောင်းသားတွေ ဟိုကဒီသွား၊ ဒီကဟိုလာနဲ့ ရှုတ်ထွေးနေသပေါ့။ ပန်းရောင်စုံလေးတွေ လေအသွေ့ မှာဝေ့ဝေ့၀ဲနေသလို၊ လိပ်ပြာလေးတွေ ဟိုပျံဒီဝဲ မြူးတူးနေကြသလိုပေါ့။ အလယ်ခေါင် ကွက်လပ်က မြက်ခင်းစိမ်းစိမ်းပေါ်မှာတော့အတန်းအားနေတဲ့ ကျောင်းသူကျောင်းသားတွေနဲ့ တူပါရဲ့ သူ့ အုပ်စုနဲ့ သူ စကားပြေနေကြ၊ ကစားနေကြတာတွေ့ ရတယ်။အများအားဖြင့်တော့ငယ်ရွယ်ပျိုမြစ် နုနယ်လန်းဆန်းတက်ကြွ နေကြတဲ့ အရွယ်တွေပေါ့။သူတို့ကိုတွေ့ မြင်ရတာနဲ့ ကိုယ်ပါ ငယ်သွေးငယ်စိတ်တွေ ပြန်လည်လန်းဆန်းလာတယ်လို့ ခံစားမိလာတယ်။
ရန်ကုန်တက္ကသိုလ်တက်ခဲ့တုံးက အဖြစ်တွေ စိတ်ရဲ့ ဉာဏ်ထဲမှာတဖြည်းဖြည်း ဖြစ်ပေါ်လာခဲ့တယ်။
တို့ တက္ကသိုလ်တက်ခဲ့တုံးကလည်း ဒီအရွယ်ဘဲပေါ့။ ခု မကွေးဆေးတက္ကသိုလ်မှာ ပညာသင်နေတဲ့ " အေးချမ်း " တို့ အရွယ်ဘဲပေါ့။ တို့ တက်ခဲ့ရတဲ့ ကျောင်းသားဘ၀နဲ့ ခုကျောင်းသားဘ၀နဲ့တူတာလည်းရှိမယ်၊ မတူတာလည်းရှိမယ်ပေါ့။
လန်းဆန်းတက်ကြွမှုနဲ့ ပျိုမြစ်နုနယ်ခြင်းတွေမှာတူပေမဲ့ ၀တ်စားဆင်ယင်မှု၊ ဖြတ်သန်းရတဲ့ အတွေ့ အကြုံတွေကဖြင့် ကွဲလွဲနေမှာ မလွဲပါဘူး။ ဒီတော့ တို့ တုံးကဖြင့် ဘယ်လို ဗျ ဆိုပြီး နည်းနည်းလေရှည်ခြင်တဲ့ စိတ်ကလေးဖြစ်လာတယ်။ ကဲ....ကဲ...စိတ်မပါလဲ
သည်းခံပြီးသာ ဖတ်ကြည့်ကြစမ်းပါလို့ တွန်းတွန်းတိုက်တိုက် ကလေးပြောလိုက်ပါရစေ။ မမေ့ဘို့ ရာကတော့ မှတ်ချက်လေးပေးဘို့
ဘဲပေါ့နော်။ ဖတ်ပြီးတော့ ဖတ်တဲ့သူကိုယ်တိုင် ကိုယ်တက္ကသိုလ်တက်ခဲ့တုံးက အတွေ့အကြုံလေးတွေ ဝေမျှခံစားစေခြင်တယ်ဆိုရင် အလွန်အမင်းဝမ်းမြောက်မိမှာပါ။ ပြည်တွင်းဖြစ်ြဖစ် တခြားနေရာ (ဥပမာ-စင်ကာပူလိုမျိုး) ဖြစ်ဖြစ်ပေါ့။ ကြိုဆိုလျှက်ပါ။
တို့ ၁၀တန်းစာမေးပွဲကို ၁၉၆၂ခုနှစ် ဖေဖေါ်ဝါရီလ နောက်ဆုံးပါတ် လောက်မှာဖြေရတယ်။ ဒိမိုကရေစီခေတ်ပေါ့။ ၀န်ကြးချုပ် ဦးနု တို့ ခေတ်ပေါ့။ စာမေးပွဲဖြေပြီးတာနဲ့ သူငယ်ချင်း တစု ခရီးထွက်ခဲ့တယ်။ အဝေးကြီးမဟုတ်ပါဘူး။ ပိုက်သင်ရွာကိုပါ။ ကိုသက်လွင်တို့ ရွာပေါ့။ ကိုရဲ၊ ကိုခင်မောင်ဖြူ၊ ကိုဇော်ဝင်းမောင် တို့ ပါတယ်လို့ ထင်တာဘဲ။ အသေအခြာတော့ မမှတ်မိတော့ဘူး။ ပိုက်သင်ရွာက
ပခုက္ကူ-မြိုင်ကားလမ်း အလယ်လောက်က ကျောက်ဆောက်ဆိုတဲ့ ရွာနားမှာ။ နေ့ ခင်းမှာ အနီးအနားကရွာတွေ လယ်ပါတ်၊ ညကြတော့ လျှပ်စစ်မီးမရှိတဲ့ ရွာနားက သဲချောင်းထဲမှာဝိုင်းထိုင်ကြပြီးစကားပြောကြနဲ့ ပေါ့။ လသာသာမှာ သဲချောင်းထဲ ထိုင်ကြပြီး လွတ်လွတ်လပ်လပ်
ပြောကြဆိုကြနဲ့ ပေါ့။
တည ....သန်းခေါင်ကျော်လောက် ရောက်တော့ လူတယောက်ရောက်လာတယ်။ ကိုသက်လွင်နဲ့ တိုးတိုး...တိုးတိုး ပြောပြီး ခဏနေတော့ ကိုသက်လွင်က တို့ အားလုံးကိုနိုးတယ်။ ခုနကလူက ပိုက်သင်မှာရှိတဲ့ တခုတည်းသော ရေဒီယိုကို ဘုန်းကြီးကျောင်းမှာ
သွားနားထေါင်ပြီးပြန်လာတာ။ ရန်ကုန်မှာ စစ်တပ်ကအာဏာသိမ်းလို့တဲ့။ သံချပ်ကာကားတွေရော၊ စစ်သားတွေရော အများကြီးဘဲ။ ဘာဖြစ်လာမယ်မသိဘူး။ မင်းတို့ ကိုယ့်အိမ်ကိုယ်ပြန်ရင်ကောင်းမယ်ထင်တယ်နဲ့ လာပြောတာ။
စစ်တပ်ကအာဏာသိမ်းတယ်ဆိုတာ....ဘာကိုပြောတာလဲ၊ ဘာတွေပြောင်းလဲသွားနိုင်လဲ၊ တို့ အားလုံး ဘာမှမပြောတတ်ဘူး။ တခါမှလည်းမကြားဘူးပါဘူး။ ဒါပေမဲ့ကိုယ့်အိမ်ကိုယ်ပြန်တာ လောလောဆယ်တော့ အကောင်းဆုံး နေမှာပါဘဲဆိုပြီး မနက်အစောဆုံး
ကားကို ကျောက်ဆောက်မှာ တားစီးပြီး ပခုက္ကူပြန်ခဲ့ကြတယ်။
ပခုက္ကူရောက်တော့မှ သိရတာက ၀န်ကြီးချုပ်ဦးနုရော ၀န်ကြီးတွေရော စစ်တပ်ကဖမ်းထားတယ်။ အာဏာသိမ်းပွဲမှာ တယောက်သေတယ်လို့ ပြောတယ်။ နောက်နေ့ ကစပြီး ပခုက္ကူကိုဝင်လာတဲ့ ကားတွေမှာပါတဲ့သူတွေကို မှတ်ပုံတင်စစ်တယ်တဲ့။ မပါတဲ့သူတွေကို စစ်ဆေးဘို့ စစ်တပ်က ခေါ်ထားတယ်။ မြို့ ထဲဝင်ခွင့် ချက်ခြင်းမပေးဘူးလို့ သိရတယ်။ တို့ လဲ မှတ်ပုံတင်မပါဘူး။
အဲဒီတုံးက တို့ အတွက် မှတ်ပုံတင်ဆိုတာ အစိုးရစာမေးပွဲ ဖြေတဲ့အခါ နံပါတ်ထဲ့ဘို့ ဘဲ သုံးတာ။ ကျန်အချိန်မှာတော့ သေတ္တာထဲ သိမ်းထားတာပါဘဲ။ စောပြန်လာလို့ တော်သေးရဲ့ လို့ စစ်အာဏာသိမ်းမှုရဲ့ အရသာကိုစပြီး တွေ့ ရတော့တာဘဲ။
အဲဒီတုံးက တက္ကသိုလ်ဆိုတာ မြန်မာပြည်မှာ ၂ ခုဘဲရှိတယ်။ ရန်ကုန်တက္ကသိုလ်နဲ့ မန္တလေးတက္ကသိုလ်ပေါ့။ တက္ကသိုလ်ကောင်စီဆိုတာရှိတယ်။ တက္ကသိုလ်တွေကိုအုပ်ချုပ်တာ။ ပညာရေးဝန်ကြီးဌာနအောက်မှာမဟုတ်ဘူး။ သူကသီးခြားရှိတာ။ ပညာရေးဝန်ကြီးက တက္ကသိုလ်တွေအပေါ် ဘာမှသြဇာမရှိဘူး။ ဘာမှအမိန့် မပေးနိုင်ဘူး။ ကောင်စီမှာ ၀န်ကြီးချုပ်၊ ပါမောက္ခချုပ်နဲ့ ပါမောက္ခတွေပါတယ်။ ထူးခြားတာက တက္ကသိုလ်ကျောင်းသားများသမဂ္ဂ (တကသ)ကကိုယ်စားလှယ် ၂ဦးကအဲဒီကောင်စီမှာအဖွဲ့ ၀င်။ ဒီတာ့ ကောင်စီက ကျောင်းသားတွေအပေါ်စည်းကမ်းချက်ချခြင်တိုင်းချလို့ မရဘူး။ ကျောင်းသားတကသနဲ့ ညှိနိုင်းပြီးမှချလို့ ရတယ်။ လွတ်လပ်တယ်။ ရန်ကုန်တက္ကသိုလ် ပါချုပ်က ဒေါက်တာသာလှ။ ဘူမိဗေဒ ဒေါက်တာ။ ဆရာဝန်မဟုတ်ဘူး။ သူကဗိုလ်ချုပ်အောင်ဆန်းတို့ နဲ့ တချိန်တည်း ကျောင်းတက်ခဲ့တဲ့သူ။ လွတ်လပ်ရေးတိုက်ပွဲတွေမှာလဲ ပါတဲ့သူ။
စစ်တပ်အာဏာသိမ်းပြီးတော့ တက္ကသိုလ်ကောင်စီကိုလဲ ဖျက်သိမ်းလိုက်တယ်။ ဒေါက်တာသာလှကိုလည်း ထုတ်ပြစ်လိုက်တယ်။ ငါတို့ ကတော့နှမြောတာပေါ့။ ဘာမှမတတ်နိုင်ဘူးလေ။
တက္ကသိုလ်က ၂ခု ဘဲရှိတယ်ဆိုတော့ ဆေးတို့ အင်ဂျင်နီယာတို့ မရှိဘူးလားလို့ သိခြင်ကြမလား။ ရန်ကုန်တက္ကသိုလ်ရဲ့ အောက်မှာ မဟာဌာနကြီးတွေနဲ့ ဖွဲ့ စည်းထားတာရှိတယ်။ ဆေးပညာမဟာဌာန၊ အင်ဂျင်နီယာမဟာဌာန၊ သိပ္ပံမဟာဌာန၊ ၀ိဇ္ဇာ မဟာဌာန၊ ပညာရေးမဟာဌာန ဆိုပြီးဖွဲ့ စည်းတည်ထားတာ။ နောက်မှ စစ်တပ်က ဒါတွေခွဲထုတ်ပစ်တာ။
တက္ကသိုလ်ပညာရေးကို တက္ကသိုလ်ကောင်စီကဘဲ ဆုံးဖြတ်အကောင်အထည်ဖေါ်ခဲ့တာ ကောင်းမကောင်းတော့ အဲဒီတုံးက အရှေ့ တောင်အာရှမှာအကောင်းဆုံး တက္ကသိုလ် လို့ နံမည်ကြီးပြီး နိုင်ငံတကာက ပညာတော်သင်တွေ လာရောက်သင်ကြား နေကြတာ
တွေကြည့်ရင်သိနိုင်ပါတယ်။ တို့ တက်နေတုံးမှာတောင် အင်းဝဆောင်မှာ အာဖရိက လာရောက်ပညာသင်နေတဲ့ ကျောင်းသားတွေရှိတာတွေ့ ခဲ့သေးတယ်။ ဒါကတော့ အဲဒီတုံးကတက္ကသိုလ်ကို သိနိုင်အောင်ပါ။
နောက် အောင်စါရင်းထွက်တယ်ဆိုပါတော့။ ဘယ်လထွက်ခဲ့သလဲ မမှတ်မိတော့ဘူး။ ပခုက္ကူစာစစ်ဌာနက အောင်စါရင်းကို ရန်ကုန်မှာရှိတဲ့ ဦးခင်လေးကသံကြိုးရိုက်အကြောင်းကြားတယ်။ အောင်စာရင်းအစ အဆုံးကိုသံကြိုးရိုက်တာနော်။ သံကြိုးကတမျက်နှာ
ဘဲရှိတယ်။ ငါထင်တယ်။ ကောင်းကောင်းတော့မမှတ်မိဘူး။ ၁၁ ယောက်လောက်ဘဲရှိတယ်ထင်တယ်။ တနှစ်တနှစ်ကို ၃%-၄%
လောက်အောင်တာ။ ဒီမှာကြွားလိုက်ရအုံးမယ်။ ငါ့ခုံနံပါတ်နဲ့ တွဲပြီး ရူပဗေဒ ဂုဏ်ထူးတဲ့။ဘာလဲ ရူပဗေဒဂုဏ်ထူး ဆိုတာ။ ငါလည်းမသိ။ တခြားလူတွေမေးတော့လည်း မသိ။ဆိုလိုခြင်တာကတော့သိသလောက်ဂုဏ်ထူးနဲ့ အောင်တာမရှိခဲ့ဘူး။ ငါမသိခဲ့တဲ့နှစ်တွေတော့
မပြောတတ်ဘူးပေါ့နော်။ တို့ နှစ်တွေတုံးက ဂုဏ်ထူးဆိုတာ အဲဒီလောက်ရှားတာ။ ကြွားတာမဟုတ်ပါဘူး။
ပခုက္ကူစာဖြေဌာနမှာ ငါတယောက်တည်း။ သမီး " အေးချမ်း " ရဲ့ စကားကို ယူသုံးရရင် " ခြင်္သေ့ " ပေါ့။ ဟုတ်လား။
စေါင့်ဖတ်ကြနော်။
သတိပေးလိုက်ပါရစေ။ မှတ်ချက်လေးပေးဘို့ မမေ့နဲ့ နော်။
အားလုံးအဆင်ပြေကြပါစေ။
သုစံ
ဧပြီလ-၁ရက်-၂၀၁၃ခု
သင်္ချာက ၈ဍ္ဍ မှတ် ရတာတောင် ဂုဏ်ထူးမရဘူးလား
ReplyDeleteMail က spam ထဲ ရောက် ရောက်သွားလို့ မတွေ့ဘူး
ReplyDeleteအဲဒိအချိန်က သင်္ချာ ၈၅ မှတ်မှ ဂုဏ်ထူးထွက်တာပါ။
ReplyDelete"လွမ်းမောဖွယ်ရာ တက္ကသိုလ်နေ့ရက်များ " ဖတ်လို့ကောင်းပါတယ် ဆက်ရေးပါဦး. အားပေးလျက်
ReplyDeleteဖတ်လို့ကောင်းတယ်...
ReplyDeleteအကုန်ဖတ်ပြီးမှစလုံးအတွေ့အကြုံရေး
မယ်။