ကထိန်...တဲ့

                           အော်ကထိန် ရာသီတောင် ကုန်ခဲ့ပါပေါ့နော်။
                           ဒီမှာရှိတဲ့ ဘုန်းကြီးကျောင်းတွေမှာလဲ   ကထိန်ပွဲ တွေလုပ်ကြပါတယ်။ စုပေါင်းကထိန်
တွေဘဲလုပ်ဖြစ်ကြတာပေါ့။ ဖိတ်စာကတော့ ကထိန်ကျင်းပတဲ့ အဖွဲ့ အစည်းကနေ အေဖိုးစာရွက်ပေါ်မှာ ကွန်ပျူတာနဲ့ ရိုက်ပြီး ၃ခေါက်ချိုး ချိုးပြီး စာတိုက်ကပို့  လိုက်တာပါဘဲ။

                            တန်ဆောင်မုန်းလပြည့်နေ့ က Halfmoon  Bay ကဘုန်းကြီးကျောင်းမှာ ကထိန်လုပ် လို့ သွားဖြစ်ခဲ့တယ်။မိသားစုနဲ့  တော့မဟုတ်ဘူး။ အ၀င်းက အဲဒီနေ့မှာအလုပ်ဆင်းရတယ်။ မိတ်ဆွေတယောက်နဲ့  သွားတာပါ။ ဘလော့ မှာ တင်ဘို့  ရည်ရွယ်ချက် အစက မရှိခဲ့လို့  ဓာတ်ပုံတွေအများအပြား မရိုက်ခဲ့ဘူး။ ခုမှစိတ်ကူးပေါ်တာနဲ့ တင်လိုက်တာပါ။ တို့ အိမ်ကနေဆိုလျှင် ၂၇မိုင်လောက်ဝေးပါတယ်။

                              ပင်လယ်ကမ်းစပ်တလျှောက်ဖေါက်ထားတဲ့ လမ်းမို့ ရှုခင်းကလှတယ်။ လမ်းမှာရှိတဲ့ ပစိဖိကာ ဆိုတဲ့ မြို့  လေးကိုရောက်ခါနီးမှာ ကောင်းကင်မှာ မိုးတိမ်တွေ ညို့ပြီး နေရောင်ကျနေတာလှလို့ ကားထဲကနေပြီး အဲဒီရှုခင်းကိုရိုက်ခဲ့တယ်။ ကိုယ့်ဖာသာကိုယ်ရိုက်ပြီး လှနေတာပါ။ ကြည့်ရှုပြီး လှမလှ ဝေဖန်ကြပါအုံး။ ရေငုံနှုတ်ပိတ်လုပ်မနေကြပါနဲ့။

                                       ကိုအောင်ပြည့်ရဲ့ ၀တ္ထုနံမည်လို  " ပြိုမှာလေလား  မိုးရဲ့  "   လို့ နံမည်ပေးရမယ်ထင်ပါတယ်။
                                    
                                     ကထိန်မှာ တို့ မိသားစုနံမည်နဲ့  သင်္ကန်းတစ်စုံ လှူခဲ့ပါတယ်။  သာဓုခေါ်တော်မူကြပါကုန်။

                                       ဒါကတော့ ကထိန်ခင်းတဲ့ကျောင်းက သံဃာတော်တွေနဲ့  ဖိတ်ကြားထားတဲ့ သံဃာတော်တွေပါ။ စုစုပေါင်းလှူဒါန်းတဲ့ သင်္ကန်းကအစုံ ၉၀ ကျော်မယ်ထင်ပါတယ်။

                                     အစားအသောက်ကတော့ လာရောက်လှူဒါန်းကြတဲ့ ရှမ်းခေါက်ဆွဲတို့ ဘာတို့ ညာတို့ပေါ့။ တို့လည်း  နေ့လည်ပိုင်းလာက်ကြ ပြန်လာပါတယ်။

                                     မြန်မာပြည်မှာ လည်းခုဆို Halloween ဆိုတဲ့ ပွဲအကြောင်း သိနေကြပြီပေါ့။ ဒီမှာတော့ အဲဒီပွဲနားနီးပြီဆိုလျှင် အ၀တ်အစားမျိုးစုံတွေ ရောင်းတယ်။

                                     သွေးစုတ်ဖုတ်ကောင်ပုံ၊ သူရဲပုံ၊ ခုခေတ်စားနေတဲ့ ဇတ်ကောင်တွေရဲ့ ပုံနဲ့  အမျိုးစုံဘဲ။ အဲဒီနေ့ ညကြရင် ကလေးတွေ( မြီးကောင်ပေါက်တွေပေါ့) ၀တ်စုံမျိုးစုံဝတ်ပြီးအသိအိမ်တွေ လျှောက်လည်ကြတယ်။  အိမ်တွေက ချိုချင် တွေကြွေးကြတယ်။
အဲဒီထဲက စပိုက်ဒါမင်း ၀တ်စုံဝတ်ထားတဲ့ ကလေးတယောက် တို့ အိမ်ကို အလည်လာတာ ဓာတ်ပုံရိုက်ထားတာပို့ လိုက်ပါတယ်။

                                          အဲဒီကလေး ဘယ်သူလဲ သိပါသလား။ သူက ဟောလိုးဝင်းနေ့ ကျော်ပြီး မနေ့ ကမှာ လာလို့ ချိုချင်တော့ မကြွေးလိုက်ရပါဘူး။

                                        အနီးကပ်ပုံလေးပါတင်ပေးလိုက်ပါတယ်။

                                          ကဲ...ကဲ   ဒီတခါတော့ ဒီလောက်ပါဘဲ။
                                          အားလုံးကျန်းမာချမ်းသာကြပါစေ။
                                         အရာရာ အဆင်ပြေကြပါစေ။
                                         မှတ်ချက်လေးတွေတော့ တင်ပေးကြပါအုံး။
                                         
                                                              သုစံ
                                              နိုဝင်ဘာလ ၂၆ရက်၊ ၂၀၁၃ခု
             

                             

ကောလိပ်ဂျင်ဘ၀ တခဏ( သတ္တမပိုင်း)

                                    ကောလိပ်ဂျင်ဘ၀   တခဏ(သတ္တမပိုင်း)

                          ဒီနေ့  ဂျူလိုင်လ ၈ရက်နေ့  ၂၀၁၃ခုပါ။
                          တို့  ရဲ့  သမဂ္ဂ အဆောက်အဦကြီး ကို မိုင်းတွေနဲ့  ခွဲပြီး  အဖြိုခံရတာ  ဒီနေ့  ဆို (၅၁)နှစ် ပြည့်ပါပေါ့လား။
                           တို့  ကျောင်းသားတွေကိုစော်ကားတာလေ။
                           တို့  ကျောင်းသားတွေကိုနှိပ်ကွပ်တာလေ။
                           ဒီကျောင်းသား သမဂ္ဂအဆောက်အဦကြီးဆိုတာ တို့  တိုင်းပြည် လွတ်လပ်ရေး တိုက်ပွဲ ရဲ့  မှတ်တိုင်တခု။
                            ကျောင်းသားခေါင်းဆောင် ၊ နိုင်ငံခေါင်းဆောင်တွေ ကို မွေးဖွါးပေးရာဌာနတခု။
                           သမိုင်းမှာ  တန်ဘိုးကြီးမားတဲ့ နေရာတခုပါ။
                           သမိုင်းမှာ  တန်ဘိုးကြီးမားကြီးမားတဲ့ နေရာတခုကို  သမိုင်းမှာ ဘာတန်ဘိုးမှမရှိတဲ့၊ သမိုင်းတန်ဘိုးကို လုံးဝနားမလည်တဲ့ စစ်အာဏာရှင်တစုက ဖျက်စီးတာခံလိုက်ရတာပါ။
                             မှတ်မိပါသေးတယ်။
                              ခု  လက်ငင်းဖြစ်ပျက်နေသလိုကို မှတ်မိနေတာပါ။
                              အဆောင်မှာ မအိပ်ခင်  ဆရာတွေပြောလို့  တို့  တက္ကသိုလ်တွေကို  ရက်အကန့် အသတ်မရှိ ပိတ်လိုက်ပြီ
ဆိုတာသိခဲ့ရပါတယ်။ 
                             သေဆုံးတဲ့ ကျောင်းသားတွေ  ဘယ်သူတွေလဲ။
                             ဘယ်လောက်သေဆုံးသလဲ။
                             ဒဏ်ရာရတဲ့သူတွေရော ဘယ်လိုနေကြလဲ။  ဆေးကုသခွင့် ရကြလား။
                             ကိုဗဆွေလေးတို့  ကိုသက်တို့  ကိုရော ဘယ်ဖမ်းသွားလဲ။ ဘယ်သူတွေ ရောအဖမ်းခံရသေးလဲ။
                             ကျောင်းကပိတ်တာဘဲကြေငြာတယ်။ ပြန်ဖွင့်မဲ့ ရက်ကိုမကြေငြာဘူး။ ဘယ်တော့ ပြန်ဖွင့်ပါ့မလဲ။
                              ငါ့ အခန်ဖေါ်လည်း ပြန်မလာဘူး။  သူရောသေဆုံးတဲ့ အထဲပါသွားလို့  လား။ ဆေးရုံဘဲရောက်နေလား။  ဘာဖြစ်လို့  လဲ.....စသည်စသည်ဖြင့်  လားပေါင်းများစွာ၊ လဲပေါင်းများစွာတွေးတောရင်း  ဘယ်အချိန်အိပ်ပျော်သွားတယ်မသိဘူး။

                              ရုတ်တရက် " ၀ုန်း"  ဆိုတဲ့ အသံကြီးနဲ့  အဆောင်တခုလုံးတုန်ခါ မည်ဟီး သွားတဲ့ အခါမှာ လန့်  နိုးလာပြီး "  တို့  အဆောင်ကိုတော့ အမြောက်နဲ့  ပစ်ဖြိုပြီ"  လို့  ထင်ပြီးအိပ်ယာကလူးလဲထပြီးအခန်းအပြင်ကိုပြေးထွက်လာမိတယ်။  တခြားအခန်းက
 ကျောင်းသားတွေကလည်း ပြေးထွက်လာပြီး ဘာဖြစ်တာလဲ...ဘာဖြစ်တာလဲ  နဲ့  တယောက်နဲ့  တယောက်မေးကြတာပေါ့။  ချက်ခြင်းဘယ်သူမှ ဘာဖြစ်မှန်းမသိကြဘူး။ ခဏကြာမှအပေါ်ဆုံးထပ်က ကျောင်းသားကြီးတွေက "ယူနီယံ ဘက်ကဖြစ်တာဟေ့၊ ယူနီယံဘက်က ဖြစ်တာ"နဲ့  ပြောလို့  အပေါ်ဆုံးထပ်ကို တက်ကြည့်မိပါတယ်။  ကြားထဲမှာ သစ်ပင်တွေခံနေလို့  တို့  အဆောင်ကနေ ယူနီယံ အဆောက်အဦကို မမြင်ရပေမဲ့  အဲဒီဘက်မှာ  မီးခိုးဖြူတွေ ဖုန်မှုန့်  တွေ လှိမ့် တက်နေတာ မြင်ရတယ်။  ဒါနဲ့  အပေါ်ထက်ပြန်ဆင်း၊ ကိုယ့်အခန်းတံခါးကို မပိတ်မိခဲ့  သေးလို့  ပြန်ပိတ်ပြီး  သထုံလမ်းကနေထွက် ယူနီယံ အဆောက်အဦ ကိုသွားကြည့်မိပါတယ်။  အချိန်က နေရောင်တဲ့ တဲ့ မရောက်သေးပါဘူး။  ကောင်းကင်က  အလင်းရောင်ပြန်လို့  သာဖြူလွလွ အရောင်သာရှိပါသေးတယ်။
ယူနီယံ အဆောက်အဦကြီးတခုလုံးဟာ  အုတ်ကျိုး အုတ်ပဲ့တွေ၊ သံချောင်း၊ သံဟင်ဂလန်တွေ ထိုးထိုးထောင်ထောင် နဲ့ ဘဲ ၀မ်းနည်းစရာတွေ့  ရပါတော့ တယ်။  မီးခိုးဖြူတွေ၊ ဖုန်မှုန့်  တွေကတော့ တလူလူ ထွက်ရှိနေတုံးပါ။ စောစောသွားကြည့်လို့  ဒီမြင်ကွင်းကိုတွေ့  ရတာပါ။  တို့  ထွက်ကြည့်ပြီး မကြာပါဘူး  စစ်သားတွေရောက်လာပြီး  သထုံလမ်းဘက်ကို ထွက်ခွင့် မပေးတော့ ပါဘူး။

                                ကျောင်းဝန်းထဲကို အပြင်ကလူတွေလဲ  ၀င်ခွင့်မပေး။  အတွင်းကလူလဲထွက်ခွင့်မပေးတော့ အဆောင်တွေရဲ့  စဖိုဆောင်က  ၀န်ထမ်းတွေလဲ  ၀င်လို့ မရဘူးပေါ့။  ဒီတော့ တို့  အားလုံး နံနက်စာပါ  ငတ်ကြရပြန်တာပေါ့။

                                 ကိုကိုနဲ့  ကိုရဲ  တို့  က သထုံဆောင်က  ဆိုတော့  သူတိုနဲ့  ပိုနီးတယ်။  ကိုကိုက  အတန်းကြီး  ဆိုတော့ သထုံဆောင် အပေါ်ဆုံးထပ်မှာ။  မျက်နှာကျက် ကျောက်ပြားတွေ ကွဲပြီးကျလို့  တချို့  ဆို ခြင်ထောင်တွေ စုတ်ပြဲကုန်တယ်။  လူအ၀င်အထွက်တံခါးပေါက်တွေက ၂ချပ်တံခါးတွေဆိုတော့
တုန်ခါပြီး အတွင်းဘက်ချိုင့် ၀င်သွားကြလို့  မနည်းပြန်ဖွင့်ကြရတယ်လို့  ပြောတယ်။

                                  ကိုယ့်အဆောင်ပြန်ရောက်တော့   ဆရာတွေက ၁၀နာရီလောက်ဆိုရင် အပြင်ထွက်ခွင့်ရမယ်။  အရေးကြီးတာနဲ့  ကိုယ်သယ်နိုင်သလောက်သာ  ယူသွားကြ။ ကျန်တာကိုသေတ္တာတွေထဲမှာ သော့ခတ်ပြီးထားခဲ့ကြပါ။ နောင် ကျောင်းဖွင့်ပြီလို့  ကြေငြာမှ၊ ဒါမှမဟုတ် ပစ္စည်းတွေ လာယူလို့  ရပြီဆိုတော့ လာယူကြပါ  လို့  ပြောတာနဲ့    အ၀တ်အစားနည်းနည်းပါးပါး အိတ်နဲ့ ထည့်ပြီး ကျန်တဲ့  စာအုပ်တွေ ကိုသော့ခတ်၊ အိပ်ယာလိပ်တွေ  ကိုသိမ်းပြီး ကုတင်ပေါ်တင် ထားခဲ့ရတယ်။

                                  နံနက် ၁၀နာရီလောက်ကြတော့မှ သထုံနဲ့  ပဲခူးဆောင်က ကျောင်းသားတွေ  သထုံလမ်းဂိတ်ကထွက်။ ပင်းယနဲ့  စစ်ကိုင်းကကျောင်းသားတွေ ပင်းယဂိတ်ကထွက်။ အင်းဝဆောင်ကကျောင်းသားတွေ  အင်းဝဂိတ်ကထွက်ဆိုပြီး အစီအစဉ်ရောက်လာတယ်။  ထွက်လာတဲ့ ကျောင်းသားတိုင်းကို ဂိတ်ဝက  စစ်ဗိုလ်တွေက ကျောင်းသားမှတ်ပုံတင် နဲ့ တိုက် စစ်ဆေး မှတ်တမ်းယူပီး မှ တဦးခြင်းထွက်ခွင့်ပေးတာဆိုတော့ ကိုယ်ထွက်ခွင့် ရဘို့   အချိန်တော်တော်ပေးရပါတယ်။

                                    ကျောင်းသားတွေကို  ဘယ်အချိန်ထွက်ခွင့်ပေးမယ်လို့  ရေဒီယိုက ကြေငြာထားလို့  အပြင်မှာ ဦးခင်လေး  လာစေါင့်နေတာတွေ့  ရပြီး  သူငှားထားတဲ့ ကားနဲ့  ဘဲ ရန်ကုန်မြို့  ထဲကိုပြန်လာဖြစ်ပါတယ်။

                                   ၅၁နှစ်လောက်  ကြာခဲ့ပြီ  ဖြစ်ပေမဲ့ ခုဖြစ်နေသလို ခံစားမိတုံးပါ။  တကသ  ကိုလည်းခုအချိန်ထိ ကိုယ့် အဖွဲ့  အစည်းလို့  ဘဲခံစားမိတုံးပါ။

                                   ကိုယ်မလှုပ်မရှားနိုင်တဲ့ တကသ အဖွဲ့  အစည်းကို ၁၉၈၈ခုနှစ်မှာ  မင်းကိုနိုင်တို့  ပြန်အကောင်အထည်ဖေါ်လို့  သူတို့  အဖွဲ့  ကို အင်မတန်လေးစားမိပါတယ်။  သူတို့ အလွန်မှာတော့ ခု ကျော်ကိုကိုတို့  အုပ်စုပေါ့။  စိတ်ထဲမှာ အင်မတန်လေးစားမိပါတယ်။  သူတို့  ဟာ ကိုယ့်သားသမီး အရွယ်လောက်ဘဲ ရှိပေမဲ့  ကိုယ့်ရဲဘော်ရဲဘက်တွေလိုဘဲ စိတ်ထဲ ခင်မင်မိပါတယ်။ သူတို့  ရဲ့  အတွေးအခေါ်တွေ  အဆင့်မြင့်တာကို ကြားသိရတော့ ပို အားရမိတယ်။ 
 
                                     ကျောင်းပရ၀ဏ် တ၀ှိုက်မှာ၊  ဒေါင်းအလံပြန်စိုက်မယ်လို့  မင်းကိုနိုင်ရဲ့  ကြွေးကြော်သံကိုကြားရတော့ ရင်ထဲမှ တုန်လှုပ်သွားအောင်  ၀မ်းသာမိပါတယ်။  တကသရဲ့  မျိုးဆက်ကို  မပျက်အောင် ဆောင်ရွက်ကြတဲ့ ကျောင်းသား၊ကျောင်းသူ တွေ
ပေါ်ထွက်နေတာကိုလဲ အင်မတန်အားရမိပါတယ်။  လေးစားမိပါတယ်။

                                     ၂၀၁၃ခုနှစ်မှာ  ၇ဂျူလိုင် အမှတ်တရ ပွဲတွေ တပြည်လုံးမှာ အနှံ့  ကျင်းပကြတယ်ဆိုတာကြားရတဲ့ အတွက်  ဒီနှစ်ကို ပီတိ ဖြစ်မိပါတယ်။

                                 ဒီပီတိ နဲ့  အတူ ၇ဂျူလိုင် ပွဲ အတွက် ရည်ရွယ်စပ်ထားတဲ့ သီချင်း ၁ပုဒ်ကို တင်ပေးလိုက်ပါတယ်။  ဒီသချင်းကို ဒီနှစ်မှာမှ ကြားဘူးတာပါ။
                               တေးရေး--ကိုခွန်ဆိုင်း
                               တေးဆို---မာကီ၊စိမ်းလဲ့လဲ့
                              တေးဂီတ--Ever Green Music Network
                              Studio--Dozen Wave
                              Mixing--Myo Kyaw(String Studio)
                              တည်းဖြတ်--Nထွန်းလွင်(Ever Green)

                          
                                   ဒီသီချင်းကို နှလုံးသားနဲ့ ခံစား နားဆင်ကြည့်ပါ။
                                   ကဲ  နောက်မှ ဆက်ပါအုံးမယ်။
                                  အားလုံး  အဆင်ပြေကြပါစေ။
                                  သုစံ
                                  ဂျူလိုင်လ၊ ၈ရက်၊ ၂၀၁၃ခု

                            
         
                             

ကောလိပ်ဂျင်ဘ၀ တခဏ(ဆဋ္ဌမပိုင်း)

                      ကောလိပ်ဂျင်ဘ၀  တခဏ (ဆဋ္ဌမပိုင်း)

                  ၅၁နှစ်?
                  ၅၁နှစ်တောင် ရှိပြီလား။
                  အော်...ကြာခဲ့ပြီကောကွယ်။
                  ပြောတတ်ကြ  တယ်လေ။  ပြန်  စဉ်းစားကြည့်စမ်း။  မနေ့  တနေ့  ကလိုဘဲတဲ့။
                  ငါ့ အတွက်တော့ ဒီလိုမဟုတ်ပါဘူး။   ပြန်စဉ်းစားကြည့်ရင် ခုလောလောဆယ် ဖြစ်နေသလိုပါဘဲ။  ပစ္စုပ္ပန် တဲ့တဲ့
 မှာ  လိုပါဘဲ။  အပစ်မဲ့တဲ့၊  လက်နက်မရှိတဲ့ ငါတို့  ကျောင်းသားတွေကို  အသစ်ထွက်လာတဲ့ ဂျီ-၃ အော်တော်မက်တစ် စက်သေနတ်တွေနဲ့  ၀ိုင်းပစ်တာတွေ၊  တဒက် ဒက်နဲ့  အော်တော်မက်တစ် သေနတ်က  အတွဲလိုက်ပစ်သံတွေ၊  ရွီကနဲ   ရွီကနဲ နံဘေးနားက ဖြတ်သွားတဲ့ ကျည်ဆံ တွေရဲ့  အသံတွေ၊  ကျောင်းသားတွေရဲ့  အော်ဟစ်သံတွေ၊  အို  စုံနေအောင်ပါဘဲ။ မျက်စိထဲကလဲပြန်မြင်နေရ၊  နားထဲမှာလဲ
 ပြန်ကြားနေရနဲ့  ။  ဒီဘ၀မပြောနဲ့  သံသရာတလျောက်မှာတောင် မေ့နိုင်မယ်မထင်ပါဘူး။

                          ဂျူလိုင် ၇ရက်ညနေခင်းပေါ့လေ။  ကျောင်းသားတွေရဲ့  ဒေါသက ပါမောက္ခချုပ်  ဦးကာ အပေါ်ရောက်ပြီး  သူ့  အိမ်ကို ၀ိုင်းပြီး ဆန္ဒပြ ကြွေးကြော်နေရာက  သူ့  ရဲ့  ပြန်လည်တုန့်  ပြန်မှုမရှိ မှု ကြောင့်  ပိုပြီးဒေါသပေါက်ကွဲလာကြပါတယ်။ နောက် သူနေတဲ့ ၀ိုင်းအတွင်းကို  ၀ိုင်းတံခါးတွန်းဖွင့်ပြီး ၀င်ရောက်အော်ဟစ် ဆန္ဒပြကြပါတယ်။  ဘာမှတုန့်  ပြန်မှု မရှိတဲ့ အခါ  သူ့  အိမ် ဆင်ဝင်အောက်မှာ ကား၂စီးရပ်ထားတာ
တွေ့  ရပါတယ်။ ကားမှန်တွေရိုက်ခွဲပြီး  မီးရှို့  မယ်လုပ်တော့  ကားမီးလောင်ရင် အိမ်ကို  မီးကူးတော့မယ်။ အိမ်ထဲမှာ  ရှိတဲ့  သူတွေ သေကုန်
ကြမယ်လို့  ကျောင်းသားခြင်း  သတိပေးပြီး  ကားကိုမောင်းထုတ်လာကြပါတယ်။  ပထမဆုံးထွက်လာတဲ့ ကားက ဗောက်ဝက်ဂွန်း ကား
အနီလေး။  ဒီကားက ဦးကာရဲ့  သားပိုင်တဲ့ကား လို့  ကျောင်းသားခြင်းပြောလို့  သိရတယ်။  သူ့ သားကသင်္ချာ ဌာနကတဲ့။ ၀ိုင်းအပြင်
ရောက်တော့  ကားမှာ မှန်တချပ်မှ မရှိတော့ ပါဘူး။  ဒီကားကို အဓိပတိလမ်းနဲ့  ဒဂုံလမ်းဆုံနေရာ အဓိပတိလမ်းပေါ်မှာ  မီးတင်ရှို့  လိုက်ပါတယ်။

                               ဒီလိုလုပ်နေတုံးမှာဘဲ   နောက်ထပ်ကားတစီးကိုလည်း တွန်းထုတ်လာပါတယ်။  ဒီကားကတော့  မော့စဗစ် အမျိုးအစားပါ။ အရောင်က အစိမ်းနုရောင်လေး။   ဒီကားကိုတော့  အဓိပတိလမ်းထိပ်က  ပိတ်ထားတဲ့   တံခါးနားကို  ရောက်အောင်  တွန်းသွားပြီးမှ   မီးရှို့  လိုက်ကြပါတယ်။

                                မနေ့  ညကလည်း တညလုံးနီးပါး အိပ်ရေးပျက်ခဲ့တာနဲ့  ဒီနေ့ လည်းတနေကုန်နီးပါးလှုပ်ရှားခဲ့ကြတော့ ကျောင်းသားတွေ
လည်း ပင်ပန်းကုန်ကြပါပြီ။  တို့  လည်း ပင်ပန်းပြီဆိုတော့  ဗောက်ဝက်ဂွန်း ကားလေးနဲ့  မနီးမဝေးမှာ ထိုင်ပြီး  စကားပြောနေကြတယ်။  အဓိပတိလမ်းလယ်ခေါင်မှာပေါ့။   တို့  ၀ိုင်းမှာ ကိုကိုကိုညွန့်စံ၊ကိုရဲ၊ကိုရဲထွတ် နဲ့ ငါပေါ့။ တခြားသူတွေတော့ မမှတ်မိတော့ဘူး။  အချိန်ကလည်း
 ညနေ ၆နာရီလောက်တော့ ရှိပြီထင်တယ်။  နေကလည်းချိုနေပြီ။  ခဏနားပြီးရင် အဆောင်ပြန်  ရေချိုး၊ ပြီး  ထမင်းစားကြမယ်ပေါ့။

                                  ဒီလိုအချိန်မှာဘဲ  စက်သေနတ်သံ  တဒိုင်းဒိုင်း တဒက်ဒက်နဲ့  ကြားရတော့တာဘဲ။  ပစ်ပြီဟေ့  လို့  ကျောင်းသားခြင်း
သတိပေးသံတွေကြားရပြီး တို့  စကားဝိုင်းလည်း  ပျက်သွားတော့ တာပါဘဲ။  ငါကတော့အဓိပတိလမ်းပေါ်ကနေ တို့  အဆောင်ဘက်နီးတဲ့
 ရေမြောင်းဘက်ကိုပြေးပြီး ရေမြောင်းထဲကမှ ပစ်သံကြားရရင်  ရေတမာပင်ကို  ကွယ်လိုက်၊ ပစ်သံရပ်သွားရင် မြောင်းထဲကနေပြေးလိုက်နဲ့  အဆောင်ဘက်ပြန်ပြေးတာပေါ့။ အတူတူ စကားပြောနေကြတဲ့သူတွေ  ဘယ်ကဘယ်လိုပြေးပြီး ဘယ်ရောက်သွားကြတယ်ဆိုတာတောင်  မသိတော့ဘူး။ အောက်ကပုံကတော့ ကျည်ဆံများကိုရှောင်တိမ်းပြေးလွှားခဲ့ရသော ရေမြောင်းနှင့် ရေတမာပင်တို့ပါ။

                          ပစ်သံကြားလိုက်  သစ်ပင်ကွယ်လိုက်၊ ပြီး မြောင်းထဲကနေပြေးလိုက်နဲ့  နောက်ဆုံး  ပင်းယဆောင်ရှေ့  ရောက်သွားတယ်။  ပင်းယဆောင်ရှေ့  မှာလည်း  မျက်ရည်ယိုဗုံး  ဒဏ်ကာကွယ်ဘို့  ရေတိုင်ကီ တခုချထားပြီး  ရေဖြည့်ထားတယ်။  မြောင်းထဲကဆင်း
ပြေးလာရတော့  ခြေထောက်ကလဲပေ၊ မြက်ရွက်တွေကရှဆိုတော့ ကျောင်းသားတွေက အဲဒီရေတိုင်ကီထဲက ရေနဲ့  ခြေဆေးကြရတယ်။  ငါလည်း အဲဒီမှာဘဲဆေးရတာပေါ့။ စစ်သားတွေကတော့ ကျောင်းဝင်းထဲဝင်လာမှာမဟုတ်ပါဘူး  ဆိုပြီး  အေးအေးဆေးဆေးဘဲ ဆေးနေတာပါ။  ပင်းယဆောင်တည့်တည့်က အဓိပတိလမ်းကိုထွက်တဲ့အပေါက်ရှိတယ်။ အဲဒီကနေ တို့  ထက် နောက်ကျနေတဲ့  ကျောင်းသားတွေ အသုတ်လိုက်  အသုတ်လိုက်  ၀င်  ၀င်ပြေးလာကြတာပေါ့။ တသုတ်မှာတော့ ကျောင်းသားတယောက်က  သစ်ပင်တွေကွယ်မပြေးဘဲ  အဓိပတိလမ်းပေါ်ကနေပြေးလာတာ  ပင်းယဆောင်ထွက်ပေါက်တဲ့တဲ့မှာဘဲ    သေနတ်မှန်ပြီး   နောက်ပြန်လဲသွားတာတွေ့  လိုက်ရတယ်။ နောက်ကရောက်လာတဲ့ အသုတ်က လဲနေတဲ့ ကျောင်းသားကို ၀င်ပွေ့  ကြပြီး  စစ်ကိုင်းဆောင်ဘက်ကို မပြေးတာတွေ့  ရတယ်။  နောက် စစ်သားတွေ  ကျောင်းထဲဝင်လာကြပြီလို့   ကျောင်းသားခြင်းသတိပေးကြတော့ တို့  လည်းနီးရာပင်းယဆောင်ထဲဘဲ ၀င်ခိုလိုက်ရတော့တယ်။


                               စစ်သားတွေက အဆောင်ဝင်းထဲအထိတော့ဝင်မလာကြပါဘူး။ ဒါပေမဲ့  အဓိပတိလမ်းပေါ်မှာ  နေရာယူပြီး  အဆောင်တွေကို ပစ်ကြတယ်။

                                  နောက်မှတွေ့  လို့ ငါ့ အကိုကပြောတာက တကယ်ထိအောင်ပစ်မှာမဟုတ်ပါဘူးလို့  ထင်ပြီး အဓိပတိလမ်းအတိုင်း  သူကပြေးတာတဲ့။  နောက် သူ့  ရှေ့  မှာဘဲ  ကျောင်းသားတွေ သေနတ်မှန်တော့မှ  မြောင်းဘက်ဆင်းပြေးရတယ်တဲ့။ သူလဲပင်းယဆောင်မှာ
ဝင်ပုံးတာပါဘဲ။  သူကအပေါ်ထပ် ၀ရံတာမှာရှိတဲ့ တိုင်ကို ကွယ်ပြီးနေတာတဲ့။

                                    "မင်းတို့  တရုတ်ဖြူတွေတော့ မတိုက်ရဲဘူး။  တို့  ကိုလာပစ်ရသလား "ဆိုပြီး  ကျောင်းသားတွေက ဆဲတော့  စစ်ဗိုလ်လုပ်တဲ့သူက သံတိုင်ကြားကနေ မှန်ပြောင်းနဲ့  ကြည့်ပြီး သူ့  စစ်သားကို ဘယ်ကိုပစ်၊ ဟိုကိုပစ် နဲ့  ညွှန်ကြားနေတာတွေတွေ့  တယ်တဲ့။
ငါပုံးနေခဲ့တဲ့ အခန်းကဘယ်သူ့  အခန်းလဲမသိတော့ဘူး။  ကျောင်းသားခြင်းလာ  လာဆိုပြီးဝင်ပုံးနေကြတာပါ။  လေး  ငါးယောက်
လောက်ရှိမယ်။  စစ်သားတွေ အဆောင်ထဲထိ  ၀င်လာရင်တော့ ရရာနဲ့  ပြန်ခုခံရမှာဘဲ။သူသေကိုယ်သေပေါ့ ဆိုပြီး အားလုံးက
 ပြောနေကြတာပါ။

                                  ည ၈နာရီခွဲလောက်ကြမှ   အဆောင်က ဆရာတယောက်က အခန်းတွေလိုက်ပြီး တခြားအဆောင်က ကျောင်းသားတွေ ရှိလားလို့  မေးပြီး  နောက်ဖေးပေါက်ကနေကိုယ့်အဆောင်ကိုယ်ပြန်လို့  ရပြီလို့  လိုက်ပြောတယ်။  သူကဘဲ ဒီလောက်သေတာ
 ကျောင်းကတော့ မပိတ်လို့  မရဘူး၊ ပိတ်ရမှာပါဘဲ  လို့  ပြောတယ်။  ငါနေတဲ့ ပဲခူးဆောင်နဲ့  ပင်းယဆောင်က ဟိုဘကိဒီဘက်ကပ်ရက်  ဆိုတော့ ပြန်ရတာ အဆင်ပြေပါတယ်။  ဒါပေမဲ့  အဲဒီည  ထမင်းငတ်ကြတာပေါ့။

                                     ကိုယ့် အဆောင်ပြန်ရောက်တော့မှ  ဘယ်အခန်းက ဘယ်သူပြန်ရောက်လဲ၊ မရောက်လဲနဲ့  မေးကြမြန်းကြ။ အတွေ့ အကြုံတွေပြောကြနဲ့  ပေါ့။  ပဲခူးသား ငါ့ အခန်းဖေါ်တော့ ပြန်မရောက်တော့ဘူး။  အားလုံးစိတ်မချမ်းသာစွာနဲ့  ဘဲ ၊ နောက်နေ့  ဘာဖြစ်လာမလဲ ဆိုတာစဉ်းစားရင်းနဲ့  ဘဲ အဲဒီညကို ကုန်လွန်ခဲ့ရပါတယ်။

                                      သြော်...၇ရက်ဂျူလိုင်ကိုတော့ ဖြင့်  ဘယ်တော့မှ  မမေ့နိုင်တော့ပါလား။
                                     နောက်မှဆက်ပါအုံးမယ်။



                                      သုစံ
                                      ၇ရက်ဂျူလိုင် ၂၀၁၃ခု
                                     (၅၁) နှစ်မြောက်နေ့  အမှတ်တရ

                            

                         လော့စ်အင်ဂျလိ  သို့  တခေါက်

                          ဘယ်သူမှ စိတ်ဝင်စားမှု မရှိကြလို့  ဘလော့ ကို ရေးဘို့  အားလျော့ နေတုံး စာတစောင်ရောက်လာတယ်။  နောက်ထပ်

 ရေးသားမှု မရှိရင်  ဒီဘလော့ ကို အပြီးအပိုင် ဖျက်သိမ်းပြစ်မယ်တဲ့။ အော်.. ဘလော့ လောကမှာလဲ ခြိမ်းခြောက်မှုတွေနဲ့  ပါလား။ 

                           ကဲလေ ဘလော့လေး သက်တမ်းရှည်ပါစေတော့ ဆိုပြီး ကြံဖန်လို့ ပို့  စ်လေးတခုရေးလိုက်ရအုံးမှာပေါ့။

                            ၂၀၁၃ခု၊ မေလကုန် ၃၁ရက်နေ့  မှာ မိသားစုအားလုံး အားတာနဲ့  လော့စ်အင်ဂျလိမြို့ကိုအလည်သွားဖြစ်ကြတယ်။

 တို့  နေတဲ့ နေရာနဲ့  လော့စ်အင်ဂျလိနဲ့  က မိုင် ၃၈၄မိုင် ဝေးပါတယ်။  ကိုယ့် ကားနဲံ့  ကိုယ်မောင်းရင်  ၆နာရီလောက် မောင်းရတယ်။

                              ငါက မေလ ၃၀ရက်နေ့  ညအလုပ် လုပ်ရသေးတာဆိုတော့ ၃၁ရက်နေ့  မနက် ၈နာရီခွဲလောက်မှ အိမ်ပြန်ရောက်တယ်။  သမီးက အဲဒီနေ့ မနက် အလုပ်ဆင်းရတာဆိုတော့  မနက် ၁၁နာရီ ခွဲလောက်မှ အိမ်ပြန်ရောက်ပါတယ်။  ဒီလိုနဲ့  အိမ်က ၁၂နာရီခွဲလောက်မှ စထွက်ဖြစ်တယ်ဆိုပါတော့။

                                နွေဥတု ဆိုတော့ နေကတော့ ပူပါတယ်။ ဒေလီစီးတီးနဲ့  တော့ ဥတုကတခြားစီပေါ့။ ဗေးဧရိယာကတောင်တန်းတွေ

ကျော်လာပြီးရင် မြေပြန့်  လိုဖြစ်သွားတယ်။ လော့စ်အင်ဂျလိနားရောက်တော့မှ  တောင်တန်းတွေတွေ့ ရတော့တယ်။  ဒီတောင်တန်း

ကလည်း ဆောင်းတွင်းဆို နှင်းဖြူတွေကျတတ်တဲ့ နေရာပါ။  ယိုစမတီ လိုတော့ နှင်းတွေ စုခဲမနေပါဘူး။

 

ကားမောင်းနေတုံး ကားပေါ်ကနေရိုက်ထားတာဖြစ်ပါတယ်။ မအားလို့  ကားမှန်ဆေးမထားဖြစ်လို့  ပုံတွေက မှုံဝါးဝါးပါ။  သည်းခံကြည့်ကြပါ။

                                      လော့စ်အင်ဂျလိ(အယ်အေ) ကိုညနေ ၇နာရီလောက်ရောက်တယ်။  အယ်အေ မြို့  ထဲကဈေးကြီးလို့  မြို့ထဲနဲ့  မနီးမဝေး အယ်မွန်းတီအရပ်မှာတည်းပါတယ်။ ရန်ကုန်မြို့  ထဲနဲ့  ကမာရွတ်လိုပေါ့။မိုတယ်၆ ဆိုတဲ့  တည်းခိုခန်းရှိတယ်။  

                                      ဒါက ရောက်ပြီး ညစာ စားဖို့  ထွက်အလာမှာ ရိုက်ထားတာပါ။။

                                    နောက်နေ့  မနက်စောစော ထပြီး ပါတ်ဝန်းကျင်ကို ဓာတ်ပုံရိုက်မှတ်တမ်းယူခဲ့ပါသေးတယ်။

                  

                                    အယ်အေမှာရုပ်ရှင် စတူဒီယို ၂ခုက ပရိတ်ဿတ်ကြည့် နိုင်အောင် ၀င်ကြေးနဲ့  ၀င်ကြည့်ဘို့  စီစဉ်ထားပါတယ် ။ ယူနီဗာဆယ်နဲ့  ဝေါ့ဒစ်စနေပေါ့။  အချိန်ကလည်း  ကောင်းကောင်းမရလို့  ယူနီဗာဆယ်ကိုဘဲ သွားကြည့်ခဲ့ပါတယ်။  ၀င်ကြေးက တယောက်ကို ၇၅ဒေါ်လာပေးရတယ်။  မြန်မာငွေ ကျပ်၇သောင်းလောက်ရှိတာပေါ့။ ပထမတော့ ဈေးကြီးလှတယ်လို့  ထင်တာ။  ၀င်ကြည့်ပြီးတော့မှ တန်တယ်ဆိုတာသိရတယ်။ 

                                   

                                      မနက်စာကတော့ " ယိုရှီနိုယာ"  ဆိုတဲ့ ဂျပန်ဆိုင်မှာ ၀င်စားဖြစ်ခဲ့တယ်။

                                   စားသောက်ပြီးမှ ယူနီဗာဆယ်ကိုသွားတာပါ။ ခု ပုံတွေကတော့  ယူနီဗာဆယ် အ၀င်က ပုံတွေပါ။

                          ယူနီဗာဆယ် စတူဒီယို ထဲမှာတော့ ပုံသေရိုက်ဖြစ်တာနည်းတယ်။ ဗီဒီယိုဘဲရိုက်ဖြစ်ခဲ့တယ်။  ရိုက်စရာတွေကများ၊ ကြည့်စရာတွေက စုံတော့ ဘယ်နေရာဘယ်လိုရိုက်ရမယ်ဆိုတာတောင် စဉ်းစားချိန်မရဘူး။  ဘယ်နေရာက ဘယ်လိုပြကွက်တွေ
ထွက်လာမယ်ဆိုတာ မသိတော့ ကင်မရာကို ကြိုပြီးပြင်မထားနိုင်ခဲ့ဘူး။   ဒီတော့ ရိုက်ချက်တွေက လိုနေတာပေါ့။
                           အယ်အေက အရမ်းပူတယ်။ နေ့  ခင်းမှာပေါ့။ ဒါကြောင့် စံဖရန်လို အနွေးထည်ဝတ်စရာမလိုဘူး။ ဒါပေမဲ့ စတူဒီယိုကထွက်ခါနီး ညနေ ၅နာရီခွဲလောက်ကျတော့ အေးလာတယ်။  ခုစတူဒီယိုအတွင်း မှာရိုက်ခဲ့တဲ့ ပုံတွေပါ။

                          အထဲမှာ ရုပ်သေ သိပ်မရိုက်ဖြစ်လို့   ဒီပုံလောက်ဘဲရှိတယ်။  ဗီဒီယိုဘဲရိုက်ဖြစ်ခဲ့တယ်။ အခွေလုပ်ထားပြီးပြီ။ ကြုံရင် ကြည့်ရအောင်ပို့ လိုက်ပါအုံးမယ်။



            အထဲမှာ " ရေကမ္ဘာ" ပြကွက်တို့  ၊သူရဲခြောက်သောအိမ်ကြီးတို့  ၊ ရုပ်ရှင် အထူးပြုလုပ်ချက်တို့  ဆိုတာကြည့်လို့ ကောင်းတယ်။  ရှရက် ဘီလူးရဲ့ ဇတ်လမ်း က 4Dပြကွက်နဲ့  ပြထားတာ။ ပြကွက်က ရေထဲကျသွားလို့ ရေစင်တာဆိုရင်ကြည့်တဲ့သူမှာလဲ ရေလာစင်တယ်။
 ပြကွက်ထဲက အရုပ်က ၀ူး  ဆိုလေမှုတ်လိုက်ရင် ကြည့်တဲ့ သူကိုလည်း လေက တိုးသွားတယ်။ ပြကွက်ထဲက ဇတ်ကောင်က ရထားစီးသွားလို့  လှုပ်ခါရင် ကြည့်တဲ့သူကလဲ  ရထားလှုပ်သလိုလိုက်လှုပ်တယ်။  စင်ကာပူရောက်ရင် ယူနီဗာဆယ်သွားကြည့်ကြပေါ့။ဒါတော့ ဗီဒီယို
ရိုက်လို့မရလို့  မရိုက်ခဲ့ပါဘူး။

                                 ရေကမ္ဘာပြကွက်မှာတော့ ကမ္ဘာကြီးပူနွေးလာပြီး ၀င်ရိုးစွန်းမှာရှိတဲ့  ရေခဲတွေအရည်ပျော်သွားလို့  ရေတွေ
လွှမ်းသွားပြီးနောက် လူတွေဟာ ရေထဲမှာဘဲ သင်္ဘောပျက်ကြီးတွေနဲ့  နေရာကတိုက်ကြခိုက်ကြတဲ့ဇတ်လမ်းပါ။  ဒါကိုတော့ ရိုက်လာခဲ့
ပါတယ်။

                                သူရဲခြောက်တဲ့ အိမ်ကြီးက အထဲမှာမှောင်ချထားပြီး ကင်မရာတွေကို မီးမသုံးဘို့ တားမြစ်ထားတာကြောင့်
 မှောင်ထဲမှာဘဲ ရသလိုရိုက်ခဲ့ရတာပါ။ ရှေ့  ကလွင်မာဦးကသွားတာဆိုတော့ သူရောက်တဲ့ နေရာမှာ ရုတ်တရက် ထွက်လာပြီး  ခြောက်တဲ့ အရုပ်တွေက နောက်ဆုံးက ကင်မရာမင်း အလှည့်ကြတော့  ခြောက်ပြီး ပြန်ဝင်သွားတဲ့ အချိန်ဖြစ်လို့  သိပ်တော့ ကြောက်စရာမပေါ်ဘူးပေါ့။
 
                                 ရှရက် ဘီလူး ပြကွက်မှာတော့ 4Dဖြစ်ပြီး ရိုက်ရင်လည်း ၀ါးနေတာဘဲ ပေါ်မှာဖြစ်လို့  မရိုက်ခဲ့ပါဘူး။

                                 ရုပ်ရှင်ထဲပါတဲ့ တိရိစ္ဆာန်လိမ္မာလေးတွေပြခန်းတော့ ရိုက်ခဲ့ ပါတယ်။ အထူးပြုလုပ်ချက်ပြခန်းကတော့ စိတ်ဝင်စားစရာတွေပါ။ ပရိဿတ်ထဲက အမျိုးသမီးတယောက်ကိုခေါ်ပြီး သူ့ လက်ကို အားလုံးရဲ့  ရှေ့  မှာဘဲ ဓားနဲ့  လှီးဖြတ်တာ သွေးတွေ ရဲကနဲစီးကြလာတာတွေလုပ်ပြပါတယ်။လူကသရုပ်ဆောင်ပြီး ကွန်ပျူတာ အကူအညီနဲ့  ဘီလူးပုံဖြစ်အောင်လုပ်ရိုက်တာတို့   ၊
 ပရိဿတ်ထဲက မိသားစုတစုကိုခေါ်ပြီး ပိတ်ကားစိမ်းရှေ့ မှာသရုပ်ဆောင်ခိုင်း၊ ပြကွက်ကြတော့တောထဲမှာ သရုပ်ဆောင်နေရသလို
ဖြစ်အောင် ရိုက်ပြတာတို့  ပေါ့။  တာတွေတော့ ရိုက်ဖြစ်ခဲ့ပါတယ်။

                                  ဂျူရစစ်ပါတ် ပြကွက်မှာတော့ လှေစီးရင် ရေစိုမှာမို့  မစီးဖြစ်ပါဘူး။ထရန်စဖေါ်မာဆိုတဲ့ ပြကွက်မှာလဲ
  နှလုံးမကောင်းသူတွေမစီးပါနဲ့  လို့  တားမြစ်ထားလို့  မစီးဖြစ်ခဲ့ဘူး။  မံမီအရုပ်ပြခန်းမှာလဲ  ဒီလိုပါဘဲ။

                                  ခုတည်းခိုခန်းထဲက ပုံတွေပါ။

                                  နောက်နေ့  တော့ ဟောလီဝု မြို့  ထဲက ပလက်ဖေါင်းပေါ်မှာ ကြယ်ပွင့်တွေနဲ့  နံမည်ကြီး မင်းသားမင်းသမီးတွေ၊  ဂီတဘက်ကသူတွေ၊ ဇတ်ညွှန်းရေးသူတွေ ရဲ့  နံမည်ရေးထားတာတွေကြည့်ပြီး ဆိပ်ကမ်းဖြစ်တဲ့ စန်တာမော်နီကာ ကိုသွားခဲ့ပါတယ်။ အဲဒီကအပြန် နေ့လည်စာစားပြီး မှ ဒေလီစီးတီး ကိုပြန်ခဲ့ ကြတာပါ။ ည၉နာရီလောက်မှာ ပြန်ရောက်ပါတယ်။ ဆိပ်ကမ်းကပုံတွေပါ။

                                ကဲ...ဒီတပါတ်တော့  ဒီလောက်ပါဘဲ။
                                အားလုံး  အလုပ်များနေတော့ ကြည့်မဲ့ သူမှ  ရှိပါ့မလားဘဲ။
                                အားလုံး  မင်္ဂလာပါ။
                                သူစံ
                               ဇွန်လ၊ ၁၅ရက်၊၂၀၁၃ခု။

                                  

                   

                                     ကောလိပ်ဂျင်ဘ၀   တခဏ (ပဉ္စမ ပိုင်း)

                     မနက်  လင်းပြီလေ။  ညကအိပ်ရေးပျက်ခဲ့လို့   ရီဝေေ၀နဲ့  မထခြင်  ထခြင်နဲ့  အိပ်ယာက  လူးလဲထပြီး  ကျောင်းသွားခဲ့ ရတယ်။  ဒီနေ့  အလုပ်များမယ်  မဟုတ်လား။

                     ဒီနေ့  တော့ Zoology  နဲ့  Botany  လက်တွေ့  ခန်းဝင်ရမှာပါ။  ခုပျက်စီးသွားပြီ၊  မရှိတော့ ပြီဖြစ်တဲ့  လိပ်ခုံး ရှိရာ  စာသင်ကျောင်းကိုပေါ့။  လက်တွေ့  ခန်းကိုဆောက်ထားထားတာ  အင်မတန်ကောင်းပါတယ်။

                      ဒါကတော့ တို့  လက်တွေ့  သင်ခန်းစာတွေ  သင်ခဲ့ ရတဲ့ နေရာပေါ့။   တို့ ခေတ် တုံးကပုံတော့ မဟုတ်ဘူး။  အောက်ဆုံးထပ်က သံဇကာတွေ  တို့  တုံးကမရှိပါဘူး။ ခုပုံက  တောင်ဘက်စာကြည့်တိုက် အောက်က ရိုက်ထားတဲ့ပုံပါ။  ဒီကျောင်းဆောင်က
  တောင်နဲ့  မြောက်နဲ့   တန်းနေတဲ့ အဆောက်အဦပါ။  ဒါရဲ့  အရှေ့  ဘက် အရပ်မှာလဲ အဆောက်အဦ မြင့်မြင့် မရှိဘူး။  အနောက်ဘက်မှာ လဲကွက်လပ်။ အလင်းရောင်ကို ကွယ်နေတာ ဘာမှမရှိဘူး။   လက်တွေ့  ခန်းတခုလုံးရဲ့  အရှေ့  ဘက် အနောက်ဘက် နံရံ တွေက မှန် အထူကြီးတွေနဲံ့  ဘဲကာထားတာ။    အမြဲတန်း  လင်းခြင်းနေတာဘဲ။  ဖားခွဲ၊ ၀က်ခွဲ၊ ပိုးဟပ်ခွဲ၊ တီကောင်ရဲ့  ဦးဏှောက်ရှာ  ဒီမှာ  အကုန်လုပ်ရ တယ်။  ပန်းပွင့် ကလေးတွေကို တစစီ ခွဲပြီးကြည့်မလား။  မြက်ရွက် ကလေးတွေထဲကကလာပ်စီးလေးတွေထဲမှာ " ဆိုက်တိုပလဆမ် "
  လေးတွေ လည်ပတ်နေတာကို မိုက်ကရိုစကုတ်နဲ့  ကြည့်မလား။  ခြင်ကောင်လေးရဲ့  အစာအိမ် ဘေးမှာ  ငှက်ဖျားပိုးတွေ  တွယ်နေတာကို မှန်ဘီလူးနဲ့  အကြီးချဲ့  ကြည့်မလား။  ဒီအခန်းမှာ  လက်တွေ့  လုပ်ရတာပေါ့။
                
                        ဒီအဆောက်အဦမှာ  ခေတ်ပေါ်  ပန်းပုရုပ်တွေလဲ  ရှိတယ်။  သုံးထပ်တိုက်လောက်မြင့်တဲ့  နံရံ ပေါ်မှာ  ကြွေပြားတွေနဲ့  သရုပ်ဖေါ်ထားတဲ့  ပန်းချီဆရာကြီးတွေရဲ့  လက်ရာတွေ ခြောက်ခုလောက်  ရှိတယ်။  ထောက်ထားတဲ့  တိုင်မပါဘဲ  လေထဲကို  ထိုးထွက်နေတဲ့  တဆစ်ချိုး  လှေခါးနဲ့  ဒုတိယထပ်ကို တက်ရတဲ့  လှေခါးလဲရှိတယ်။ အလယ်ခေါင်က  မွေးမြူထားတဲ့  မြက်ခင်း  စိမ်းစိမ်း  နုနု လေးတွေ
စိုက်ထားတဲ့ ကွင်းပြင်။ မြက်ရိုင်းကြမ်းကြမ်းထော်ထော်ကြီးတွေ မဟုတ်ဘူး။   ဘိုင်အိုလက်တွေ့   ခန်းကနေကြည့် ရင် စိမ်းစိမ်းမြမြ နဲ့  လွင်နေတာဘဲ။  ပြည်လမ်းမနဲ့  ကပ်ရက်ကလည်း  ကြွေပြားခင်း  ရေကန်လုပ်ထားသေးတယ်။  အလယ်မှာရေပန်းရှိတယ်။ အဆောက်အဦက
 တော်တော်ခေတ်မှီပါတယ်။   ခုခေတ်  ရေကြောင်းတက္ကသိုလ်က ကိုဖိုးပါတို့  ၊   မကွေးဆေးတက္ကသိုလ်တို့  မှာတော့  ဘာတွေ ထူးထူးခြားခြားရှိလဲ  မသိဘူး။  ရေကျောင်းသားကြီး  ကိုဖိုးပါနဲ့   ဆေးကျောင်းသူ   ကောလိပ်ဂျင်မလေး တို့    ရေးမှ  ဖတ်ရ၊ သိရမှာပေါ့။

                         လက်တွေ့   တန်းက နေ့  လည် ၁၁နာရီခွဲလောက်မှပြီးတယ်။  တကသ မှာ စ မှာက နေ့  လည် ၂နာရီဆိုတော့  အချိန်နည်းနည်းရတယ်။  ဒါနဲ့  အခန်းပြန် ။  ကျောင်းစာအုပ်တွေပြန်ထားပြီး  အိပ်ခြင်ပြေ သူငယ်ခြင်းတွေနဲ့  အတူ  ဦးချစ်ဆိုင်မှာ  လဘက်ရည်သွားသောက် ကြတယ်။

                           တကသ အဆောက်အဦမှာတော့  ကျောင်းသားအလံ။ ခွပ်ဒေါင်းအလံ  တွေတလူလူပေါ့။  တကသ  သီချင်းတွေကိုလဲ
  လောက်စပီကာနဲ့  အရပ်လေးမျက်နှာက  ကြားရအောင်  ဖွင့်ထားတာ အကျယ်ကြီး။ ကိုမြတ်လေးစပ်ခဲ့တဲ့ သီချင်းတွေ အများကြီးကြား
ရတယ်။   ခုတော့ ဒီသီချင်းတွေ  ဘယ်ပြန်ရှာရမယ်တောင်  မသိတော့ ပါဘူး။

                           ဦးချစ်ဆိုင်ကနေ  အမရ၊ မန္တလေးဆောင်ဘက်က တကသ ကိုမသွားဘဲ အခြေအနေကြည့်  ရအောင်  လှည်းတန်းဘက်
ထွက်ပြီးမှ  တက္ကသိုလ်ရိပ်သာ လမ်းအတိုင်း  တကသ ဘက်ကိုလျှောက်လာဖြစ်တယ်။   ရိပ်သာလမ်းပေါ်မှာတော့  ၃-၄ယောက်လောက်  စု   စု နေတဲ့  အသက်ခပ်ကြီးကြီး လူအုပ်စုတွေတွေ့ ရတယ်။  ထောက်လှန်းရေးတွေနေမှာပေါ့။  အချိန်နီးပြိဆိုတော့  အဲဒီကနေ တကသကို  အဓိပတိလမ်းကနေ တဆင့် ၀င်လိုက်တော့ တယ်။

                          

                
                             ဒါက တကသ အမှုဆောင်တွေပါ။  တို့  နှစ်ကတော့ မဟုတ်ဘူး။  စစ်မဖြစ်ခင်  ဟိုရှေးတုံးကပုံပါ။  အကြီးချဲ့  ကြည့်လျှင်  Gift of U Nyo  ဆိုတာတွေ့  ရမှာပါ။  သူဌေး  ဦးညိုက  ဆောက်ပေးထားတာပါ။  ဒီကနေ   မြန်မာပြည် လွတ်လပ်ရေး  တိုက်ပွဲဝင် သူရဲကောင်းတွေ  မွေးဖွါးပေးခဲ့တာပေါ့။  အပြင်က  ရိုက်ထားတဲ့  ပုံတွေက  ၀ါးနေလို့  ဒီပုံကိုတင်ပေးလိုက်တာပါ။

                                တကသ ထဲ ရောက်တော့  ကျောင်းသားတော်တော်များများ  ရောက်နေပါပြီ။  တို့ အုပ်စုလည်း  ချောင်တဲ့ နေရာရှာပြီး  ၀င်ထိုင်လိုက်ကြတယ်။  ခဏနေတော့  အခန်းအနားစတယ်။  အခန်းအနား သဘာပတိ ကတော့ တကသ ဥက္ကဌ ကိုဗဆွေလေး  ပေါ့။   တက္ကသိုလ် ကောင်စီမှာ  ကျောင်းသားကိုယ်စားလှယ်တွေကို စစ်အစိုးရက  ဖြုတ်ပစ်ပြီး  မတရားတဲ့  အချက်တွေကို စည်းကမ်းလုပ်ပြီးချမှတ်ထားကြောင်း။  တက္ကသိုလ်ကျောင်းကို သူတို့  စစ်တပ် ဘားတိုက် တွေလို  အတင်းအကျပ် ချုပ်ချယ်တဲ့ အမိန့်တွေချထားတာကို  ရှုတ်ချကြောင်း။  ကျောင်းသားကိုယ်စားလှယ်တွေ  ပြန်ခန့်  ဘို့  ၊ အဆောင်စည်းကမ်းတွေ ကို အရင်လိုဘဲ ပြန်ပြင်ပေးဘို့  တောင်းဆိုချက်တွေ  တင်ပြပြီး  ကျောင်းသားထုရဲ့  သဘောတူညီချက် တောင်းခံခဲ့ပါတယ်။  တို့  တတွေကလည်း ၊  အားလုံးကလည်း ထောက်ခံကြောင်း  ဆန္ဒပြုကြတယ်။  နောက်ဆုံးကြတော့  ကိုသာဘန်းထင်တယ်။  သူကတခုတောင်းဆိုတယ်။  ဒီအစည်းအဝေးပြီးလျှင် ဖိနှိပ်ချုပ်ချယ်မှုတွေကို ဆန့်  ကျင်ကန့်  ကွက်တဲ့  အနေနဲ့  ကျောင်းသားတွေ  ကျောင်းဝန်းအတွင်းမှာဘဲ အဓိပတိ လမ်းတလျှောက် ချီတက် ဆန္ဒပြဘို့  တင်ပြတယ်။  တက်လာတဲ့  ကျောင်းသားတွေ ကိုဆန္ဒတောင်းခံတဲ့ အခါ  အားလုံးက သဘောတူတဲ့ အတွက် တကသ က ဦးဆောင်ပြီး တို့  တတွေ အဓိပတိ လမ်းတလျှောက်ချီတက်ဆန္ဒပြကြပါတယ်။

                                           ဒါက တကသ အဆောက်အဦက ထွက်လာတဲ့  ပုံပေါ့။

                                              ဒါက ဘွဲ့  နှင်းသဘင် အဆောက်အဦ ရှေ့  ကနေပြန် ထွက်လာတဲ့  ပုံပါ။  အချိန်သိပ်မကြာပါဘူး။  ညနေ ၄နာရီလောက်ဆို ပြီးတယ်နဲ့  တူပါတယ်။  ပြီးပြီဆိုတော့  ကျောင်းသားတွေလဲ ကိုယ့် အဆောင်ကိုယ်ပြန်ကြပေါ့။   တကသ က အမှုဆောင်တွေဘဲ  တကသ မှကျန်ခဲ့ တာပါ။  တကသ က ၂ထပ်အဆောင်။  အစည်းအဝေးကအပေါ်ထပ်ခမ်းမကြီးမှာ လုပ်တာ။
  အောက်ထပ်မှာက လဘက်ရည်ဆိုင်၊ ဆံသဆိုင်တွေရှိတယ်။  ငါကတော့ ကိုယ့် အဆောင်ကိုယ်မပြန်သေးဘဲ  စစ်ကိုင်းဆောင်က သူငယ်ချင်း သက်တင် အခန်းကို  လိုက်သွားတယ်။ သူနဲ     ကိုရဲမြင့် နဲ့  ကတခန်းထဲ။  ၂ယောက်လုံးနဲ့ သိတော့သူတို့  နှင့်စကားသွားပြောနေတာပါ။
  အေးအေးဆေးဆေးပါဘဲ။

                             မကြာပါဘူး။  အဓိပတိလမ်းတလျှောက်မှာ ကျောင်းသားတွေ   အော်ပြီးပြေးလာကြလို့  ဘာဖြစ်တာလဲဆိုပြီး  အခန်းထဲကထွက်၊ ၀ရန်တာကနေ  ကြည့်ဖြစ်တယ်။  တကသမှာ ပုလိပ်တွေ ၀င်ဖမ်းနေပြီ။  ရဲဘော်တို့  ဆင်းခဲ့ကြ လို့  အော်ပြီး အဆောင်က    ကျောင်းသားတွေကို လိုက်ခေါ်နေတာကိုး။ ချက်ခြင်း  ဗြုံးဆို  အဓိပတိလမ်းပေါ်   ရောက်သွားတယ်။  ကျောင်းသားတွေ  နည်းနည်းဘဲ   ရှိသေးတယ်။  တကသ နဲ့  မျက်နှာခြင်းဆိုင်ကအဆောင်က မန္တလေးဆောင်မို့  အဲဒီအဆောင်ရှေ့   မှာတော့ ကျောင်းသားတွေ  နည်းနည်းရှိတယ်။  သူတို့  က တကသ ဘက်မှာ  ရှိနေတဲ့  ပုလိပ်တွေကို  တွေ့  တဲ့ ခဲလုံးတွေနဲ့  ပေါက်နေတာကိုး။

                       တို့  ကျောင်းဝန်းထဲကို  ကျူးကျော်ဝင်ရောက်ပြီး တို့  ခေါင်းဆောင်တွေကို မတရားဖမ်းစီးတာ  တို့  ကျောင်းသားထုကို
 စော်ကားတာ၊  တို့  ပြန်ပြီး  ခုခံရမယ်  ဆိုတဲ့  အတွေးက ရင်ထဲ  နှလုံးထဲ  ဗြုံးဆို ၀င်လာတယ်။ ဒီတော့  တွေ့  တဲ့  ကျောင်းသားတွေနဲ့
 ပေါင်းပြီး  တွေ့  တဲ့  ခဲ နဲ့  ကောက်ပေါက်ဖြစ်တယ်။  နောက် အဓိပတိလမ်းပေါ်ကနေ ပေါက်ရတာ အားမရတာနဲ့  မန္တလေးဆောင်ဘက်  သွားပြီး  မန္တလေးဆောင်  ရှေ့  က ကျောင်းသားအုပ်စုနဲ့  ပေါင်းပြီး ပြန်လည်  ခုခံခဲ့ပါတယ်။

                         တဖြည်းဖြည်း  ကျောင်းသားတွေ  များလာတယ်။  သူငယ်ချင်းရဲထွတ်ကိုလဲ  ဒီနေရာမှာတွေ့  ခဲ့တယ်။  အဲဒီကနေ  ပထမ အဓိပတိလမ်းမဘက် ပြန်သွားမယ်ဆိုပြီး  အမရဆောင်ဘက်ပြန်ထွက်လာတယ်။  ဒီမှာ  ကျောင်းသား ပခုက္ကူအသင်း က  အတွင်းရေးမှူး   ကိုအောင်မြင့်သိန်းနဲ့    တွေ့  လို့  သူက မင်းတို့  နက်ဖန်  "Fresher welcome "  လာဘို့  မမေ့နဲ့  နော်  လို့ သတိပေးတာ ခံရပါသေးတယ်။  အဲဒီနှစ်က တက္ကသိုလ် ကျောင်းသားပခုက္ကူအသင်းဥက္ကဌကအင်ဂျင်နီယာကျောင်းသား ကိုစိုးမြင့်၊  အတွင်းရေးမှူးက ကိုအောင်မြင့်သိန်း။
 ကျောင်းသားသစ်တွေ ကြိုဆိုမဲ့ ပွဲကို ဇူလိုင်  ၈ရက်နေ့  နေ့  လည်မှာ  တကသအဆောက်အဦကခန်းမကိုငှားပြီးလုပ်မှာပါ။  သူ့  ကို
 "လာမှာပါ။  စိတ်ချပါ။ "  လို့  ပြောခဲ့ ရသေးတယ်။  နောက် အဓိပတိ လမ်းပေါ်  ပြန်ရောက်တော့  သထုံဆောင်က  ကိုညွန့်  စံ၊ ကိုရဲ တို့  ကိုလဲတွေ့  လို့  သူတို့  နဲ့   ပေါင်းပြီး ပုလိပ်တွေကို  ခုခံဖြစ်ပါတယ်။

                         တကသ ရှေ့  ကနေ  ပုလိပ်တွေထဲကနေ  ခြောက်လုံးပြူးနဲ့  ပစ်ခတ်ပါသေးတယ်။  ဒါပေမဲ့ ကျည်ဆံ ထိပ်ဖူး ဖြုတ်ထားတဲ့ အတွက် အသံဘဲ  မည်တာဘဲ လို့  သိကြတဲ့  အတွက်  ကျောင်းသားအုပ် ကွဲ မသွားပါဘူး။  ဒီတော့  ပုလိပ်တွေက  မျက်ရည်ယိုဗုံးတွေကို ထုတ်သုံးလာတယ်။   ငါတို့  အတွက်တော့  ဒါ ပထမဆုံးအတွေ့  အကြုံဘဲ။ ပစ်လိုက်တဲ့  ဗုံးက ရောက်လာရင် နဲနဲတော့ ပူတယ်။  မီးခိုးတွေထွက်လာပါတယ်။  ဒါပေမဲ့  ထူပစ်နေလောက်အောင် မထွက်ပါဘူး။  မီးလောင်တာလဲ  မရှိပါဘူး။ ဒါပေမဲ့  မျက်စိတွေ အရမ်းစပ်ပြီး  မျက်စိဖွင့် လို့  မရလောက်အောင်ကို   ဖြစ်လာတတ်ပါတယ်။ ဒီ မျက်ရည်ယို ဗုံးတွေ  လောက်တော့  ကျောင်းသားတွေက ပျင်းတောင် ပျင်းပါသေးတယ်။  အတွေ့  အကြုံ ကများပြီလေ။  မကြာခဏ  မျက်ရည်ယိုဗုံးဒဏ်  ခံရဘူးတော့  ဘယ်လိုလုပ်ရမယ်ဆိုတာ သိနေကြတယ်။  အဆောင်ကနေ ရေပုံးတွေနဲ့  ရေတွေ  သယ်လာကြတယ်။  အဲဒီရေနဲ့  မျက်နှာသစ်လိုက်တယ်ဆိုတာနဲ့   မျက်စိ ပူစပ်နေတဲ့  ဝေဒနာ ဟာ ချက်ခြင်းပျောက်သွားပါတယ်။

                   တချို့  ကျောင်းသားတွေက  ကျလာတဲ့ ဗုံးကို  ကောက်ပြီး  ပြန်ပစ်တာ၊ ရေပုံးထဲ ကောက်ထည့်တာ တွေ  လုပ်တော့  သူတို့  မျက်ရည်ယို  ဗုံးဟာ  ဘာမှ ထိရောက်မှု  မရှိတော့  ပါဘူး။

 

                             နောက် သိပ်မကြာပါဘူး။  ပုလိပ်တွေလဲ  တကသ အဆောက်အဦ ထဲကဆုတ်ပြီးထွက်သွားကြပါတယ်။
 ကျောင်းသားတွေက  လဲ  ဟေး  ဟေး  ဆိုပြီး  အော်ဟစ်ရင်း  အဓိပတိလမ်းထိပ်  အထိ လိုက်ကြတယ်။ အဓိပတိ လမ်းထိပ်ရောက်တော့
  နောက်ထပ်  မ၀င်နိုင်အောင်ဆိုပြီး  အဓိပတိ လမ်းထိပ်က  တံခါးကို  ပိတ်လိုက်ကြပါတယ်။

                             နောက် ကျောင်းသားတွေက  တို့  ကျောင်းထဲဝင်ပြီး  တို့  ခေါင်းဆောင်  ကျောင်းသားတွေ အဖမ်းခံရတာ  ပါမောက္ခချုပ် အသစ်ဖြစ်တဲ့  ဦးကာ  ညံ့ဖြင်းလို့  ဆိုပြီး ဦးကာကို  စိတ်ဆိုးဒေါသထွက်ကြပါတယ်။  ဦးကာ ကိုဆန့်  ကျင်ပြီး  ကြွေးကြော်သံတွေ
 အော်ဟစ်လာတယ်။  နောက် ဦးကာ ဘယ်မှာတုံးဆိုတော့  မဝေးပါဘူး။  တကသ အဆောက်အဦ နဲ့  ကပ်ရက် ခြံဝိုင်းက  အိမ်မှာ ဦးကာက  နေတာကိုး။  ဒီလိုကပ်ရက် နေ  နေပြီး  ကျောင်းသားတွေ အဖမ်းခံရတာ၊ မျက်ရည်ယိုဗုံးတွေနဲ့  ပစ်ခတ်ခံရတာ  ဦးကာ  က ဘာမှဝင်မပြောဘူး။  ၀င်မတားဘူး။  သူအသုံးမကျလို့  ဆိုပြီး  ဦးကာ အိမ်ကိုဝိုင်း  ဆန္ဒပြကြပါပြီ။ 

                            ဒီအချိန်မှာ  တက္ကသိုလ်ရိပ်သာလမ်း နဲ့    နီးတဲ့ ဘက်က  ကျောင်းသားတွေက ပြောလို့  တက္ကသိုလ် ၀န်း  တခုလုံးကို  စစ်တပ်က  ၀ိုင်းထားပြီဖြစ်ကြောင်းကိုသိလိုက်ရပါသည်။

                          ကဲ...ကဲ   စာလဲ အတော် ရှည်သွားပြီ။  ဒီမှာ  တပိုင်းရပ်လိုက်အုံးမှ  တော်မည်ထင်ပါတယ်။ 
 
                           နောက်တပိုင်းကို  စောင့် မျှော်  ဖတ်ရှုကြပါရန်။
                           အားလုံး အဆင်ပြေကြပါစေ။
                          သုစံ
                          ဧပြီလ၊ ၁၄ရက်၊ ၂၀၁၃ခု
                       

                        

                              ကောလိပ်ဂျင်ဘ၀  တခဏ(စတုတ္ထပိုင်း)

                   အဆောင်ရပြီဆိုတော့  အပြင်ဆောင်ကနေ  အဆောင်ကိုပြောင်းကြတာပေါ့။  ပဲခူးဆောင် အောက်ဆုံးထပ်  အခန်းနံပါတ် (၃၈) မှာရတယ်ထင်တယ်။  ၂ယောက်နေရတာ။  နောက်တယောက်က ပဲခူးက။  ကိုသန်းထွန်းက  ၀ိဇ္ဇာ အပိုင်း(က) ဆိုတော့ အပေါ်ဆုံးထပ်မှာ။  တို့  ဘက်ခြမ်းမှာ  ရေစကြိုက  ကိုအောင်ခိုင်တို့  ရှိတယ်။ တနယ်သားခြင်းဆိုတော့ သူတို့နှင့် ရင်းနှီးသွားတာပေါ့။  ကိုအောင်ခိုင်က ငါ့ထက် တတန်းလောက်ကြီးတယ်။
  
                     ဗဟိုဆောင် ၅ဆောင်ရဲ့  အလယ်လောက်မှာ  အားလုံးအတွက် ထမင်းစားဆောင်ရှိတယ်။      စားဖိုမှူးတွေကတော့အများကြီး။
  အဲဒီထဲက  ဦးစီ ဆိုတဲ့ သူနဲ့  ရင်းနှီးခဲ့ တယ်။  သူကထေါင်ထေါင်မောင်းမောင်း။ အသားကခပ်ညိုညို။ သဘောကောင်းပါတယ်။  သူနဲ့  စကားပြောရင်း  မင်းတို့  က  တက္ကသိုလ်မှာ ခဏလာနေတာပါ။ ၄နှစ်ဆိုပျောက်သွားကြရော။  ငါတို့  က  ၁၀နှစ်ကျော်ပြီ လို့  သူက
ပြောခဲ့တယ်။  ဒီစကားကို  မကြာခဏ  ပြန်ပြန်သတိရမိတယ်။  အဲဒါကြောင့်လဲ  ဒီပို့  ကို ကောလိပ်ဂျင်ဘ၀ တခဏ  လို့
 ခေါင်းစဉ်ပေးဖြစ်တာပါ။ 

                           ထမင်းက မနက်တကြိမ်  ညနေတကြိမ်  ကြွေးတယ်။  နေ့ လည်  လဘက်ရည် နဲ့  မုန့်  နဲ့  ကြွေးတယ်။  ၀က်သား  မစားဘူးလို့  စာရင်းပေးထားလို့  ၀က်သား  ချက်တဲ့  နေဆိုရင်သက်သတ်လွတ် စားရတယ်။  သက်သတ်လွတ်ဆိုရင် ဖီးကြမ်းငှက်ပျောသီး
တလုံးက  ပါမြဲ။  အဆောင်နေခ  နဲ့  ထမင်းစားရိတ်  တလကို  ၅၇ကျပ် လစဉ်သွင်းရတယ်။  ကျောင်းလခက  တလကို ၁၅ကျပ်နဲ့  ၃လတကြိမ်သွင်းရတာပါ။

                               အထက်တန်းတုံးက ဘာသာပေါင်းစုံကို မြန်မာလိုသင်ခဲ့ပြီး၊   အင်္ဂလိပ်စာကိုပင် မြန်မာလိုရှင်းပြတဲ့  စနစ်နဲ့  သင်ခဲ့ရတဲ့  အစိုးရကျောင်းထွက် တို့  တတွေ အတွက် တက္ကသိုလ် သင်တန်းတွေ ကမြန်မာစာကလွဲပြီး  အားလုံးအင်္ဂလိပ်စာနဲ့  သင်၊ အင်္ဂလိပ်စကားနဲ့  ရှင်းပြဆိုတော့ ရောက်စက  ဘာတွေ သင်လို့  ဘာတွေပြောနေမှန်းကိုး  မသိပါဘူး။ ဓာတုဗေဒနဲ့  ရူပဗေဒက အထက်တန်းတုံးက  သင်ခဲ့ ရတဲ့ အခြေခံရှိထားလို့  မကြာခင်လိုက်နိုင်ခဲ့ပေမဲ့  zoology and Botany ကြတော့ အခြေခံက မရှိတော့ ဘာတွေ သင်နေမှန်းကို
 မသိခဲ့တာပါ။  ပညာရပ်ဝေါဟာရ  အခေါ်အဝေါ်  ကလည်းခက်ခဲတော့  တော်တော်လေးကိုခက်ခဲခဲ့ တာပါ။  ကြည့်လေ။ နမူနာတခုပြောပြမယ်။ Zoology မှာသင်ရတာထဲက။ ဒီနံမည်က ရှည်လျားလွန်းလို့  အသေအခြာ  ကျက်မှတ်ထားခဲ့လို့  ယခုထိ အမှတ်ရနေတဲ့  နံမည်ပါ။
   " ပရီအရီသယိုဆိုက်ရိုက်ဇောဂနီ"  တဲ့။ အင်္ဂလိပ်လိုတော့ စာလုံး  မပေါင်းတတ်တော့ဘူး။  ဒါ စကားလုံး  တလုံးထည်း။  ငှက်ဖျားရောဂါပိုးတွေ ကပ်ပြီး  တည်နေတဲ့   ခြင်ကောင်လေးရဲ့   အစာအိမ်ကို   ခေါ်တာပါ။  လက်တွေ့  ခန်းမှာ မိုက်ကရိုစကုတ် မှန်ဘီလူးအောက်မှာလဲ  ဒီအစာအိမ်ကလေးကို  ကြည့်ခဲ့ရသေးတယ်။

                               ကျောင်းချိန်တွေက  တနင်္လာ ကနေ  စနေနေ့  အထိတက်ရတယ်။  စနေနေ့  ကတော့ နေ့  ၀က်ပါဘဲ။  ၁၂နာရီဆိုပြီးရော။  စနေဆို Zoology နဲ့  Botany  လက်တွေ့  ဆင်းရတဲ့နေ့  တွေလေ။ Lecture class မရှိဘူး။

                             ကျောင်းမှာ သင်ခဲ့တဲ့ နားမလည်တဲ့  စာတွေကို ကိုယ်တယောက်တည်း  ပြန်ကြည့်လို့  ကတော့  ဘာမှ နားမလည်ပါဘူး။  ဒီတော့  အတန်းဖေါ်  သူငယ်ချင်းတွေ  ပေါင်းပြီး  စာကြည့်ကြရတယ်။  ကိုယ်နားမလည်တာ  သူ့  မေး။  သူနားမလည်တာ  ကိုယ်ရှင်းပြနဲ့  ပေါ့။ အခြေအနေက  ဒီလိုရှိတယ်ဆိုတာကို  သိထားမှ  ရှေ့  ဆက် ရေးမည့် အကြောင်းအရာတွေကို ပိုပြီးသဘောပေါက်မှာပါ။

                              တနေ့  မြို့  ထဲက ဦးခင်လေးကို သွားတွေ့  ဘို့  ကိစ္စ တခုရှိလာရော။   ညစာ ထမင်းက  ညနေ၄နာရီမှ စရတာမို့   ၄နာရီမှာ ကဗျာကယာစားပြီး  မြို့  ထဲထွက်လာခဲ့တယ်။ ဦးခင်လေးနဲ့  တွေ့  ပြိး ချက်ခြင်းဘဲ  ကျောင်းပြန်ခဲ့ တာပါ။  ဒီတုံးက  ဘတ်စ် ကားဆိုတာ အကောင်းဆုံးက  စစ်အတွင်းက ကျန်ခဲ့တဲ့  သစ်သား ဘော်ဒီရိုက်ထားတဲ့  ကားကြီးတွေပါ။  ဗဟိုဆောင်ကနေ လှည်းတန်းထိပ်  အထိလည်း  အသွားအပြန်က လမ်းလျှောက်သွားရတာပါ။  ဒီတော့  အဆောင်ကို ညနေ ၆နာရီ ၁၅မီးနစ်လောက်မှပြန်ရောက်တယ်။  ဒိတော့ အဆောင်က ဘာဂျာတံခါးတွေကပိတ်သွားပြီ။   ၀င်လို့  မရတော့ဘူး။  ကိုယ်တယောက်တည်းလားဆိုတော့ မဟုတ်ဘူး။  ကိုယ့်လိုလူစားတွေ ၃-၄ယောက်လောက်ရှိတယ်။  တံခါးစေါင့် က အဆောင်မှူး  ကိုသွားအကြောင်းကြားပေးတယ်။  အဆောင်မှူး  လာပြီးဖွင့် ပေးတော့ မှ အဆောင်ကိုပြန်ဝင်လို့  ရတယ်။  ဘာလို့  နောက်ကျတာလဲဆိုတဲ့  အဆောင်မှူးရဲ့  မေးခွန်းကို အဆင်ပြေအောင်  ဖြေရှင်းရသေးသေးတယ်။

                                 နေ့  စဉ် ဒီလိုကြုံတွေ့  နေရတဲ့  ကျောင်းသားတွေက အများသား။ ဒါတွင်မကဘူး။  အဆောင်စည်းကမ်း
နောက်တချက်က  အဆောင်ပိတ်ပြီးရင် မိမိ အခန်းမှာဘဲ  မိမိ နေရမယ်။ ဆရာတွေ လိုက်စစ်လို့   အခန်းထဲမှာ မတွေ့  ဘူးဆိုလျှင်  အဆောင်မှာ  မရှိဘူးလို့  သတ်မှတ်မယ်။  ဒါမျိုး  ဘယ်နှစ်ကြိမ်ဖြစ်လျှင် အဆောင်က  ထုတ်ပစ်မယ်ဆိုတာလဲပါတယ်။   ဒိတော့ တို့  စာကြည့်ဖေါ်တွေနဲ့  တိုင်ပင်ပြီး  ကြည့်လို့  မရတော့ ဘူးပေါ့။

                            တို့  ကတော့  ဒီနှစ်မှစရောက်။  ဒီနှစ်မှ တွေ့  ကြရတဲ့  စည်းကမ်းလေ။  တို့ ထက် နှစ်စောပြီး  ရောက်နေကြတဲ့
 ကျောင်းသားကြီးတွေကြတော့  လွတ်လွတ်လပ်လပ် နေခဲ့ ကြရတာ  ဆိုတော့  သူတို့  အဆောင်စည်းကမ်းတွေဟာ မလိုအပ်ဘဲ  သက်သက် ချုပ်ချယ်တယ်လို့  မြင်လာကြတယ်။  တက္ကသိုလ်က ထွက်လာပြီးရင် တိုင်းပြည်  အတွက် အလုပ်လုပ်ကြတော့ မဲ့  လူကြီးတပိုင်း
 ကျောင်းသားတွေကို  လူကြီးဖြစ်အောင်လေ့ကျင့်မပေးဘဲ  အနိုင်ကျင့်  ချုပ်ချယ်တယ်လို့   မြင်ကြတယ်။ 

                                တက္ကသိုလ်မှာ တ က သ အတွက် ၂နှစ်တကြိမ် ရွေးကောက်ပွဲ တွေရှိတယ်။  မြို့ နယ် အသင်း၊ ခရိုင်အသင်း
  တွေရှိတယ်။  ဘာသာရပ်အလိုက် အသင်းအဖွဲ့  တွေရှိတယ်။  အဆောင်တွေမှာလဲ  သဟာယနှင့် စာကြည့် သင်း  လိုဟာတွေရှိတယ်။   ဒီလိုအသင်းအဖွဲ့   တွေတိုင်းမှာ နှစ်စဉ် ရွေးကောက်ပွဲ တွေလုပ်ပြီး အမှုဆောင်အဖွဲ့  အသစ် ရွေးကောက်ပွဲတွေရှိတယ်။ ရွေးကောက်ပွဲ  ဆိုတဲ့ အတွေ့  အကြုံ တွေ  အလေ့အကျင့်ရှိအောင်၊ လူတယောက်နှင့် တယောက် သင့်တင့်မျှတအောင် ဘယ်လိုနေ၊ ဘယ်လိုထိုင် ဆိုတာတတ်ကြအောင်  လေ့ကျင့်ပေးတာတွေပေါ့။   စစ်အစိုးရက ဒီချုပ်ချယ်တဲ့ စည်းကမ်းတွေ ချလာတော့  ကျောင်းသားတွေရဲ့  ရင်ထဲမှာ မကြေမနပ်ဖြစ်မှုတွေ   တဖြည်းဖြည်း တိုးတိုးလာတာပေါ့။ 

                                   ကျောင်းသားဟောင်းတင်မကဘူး  တို့  ကျောင်းသားသစ်တွေရဲ့   ရင်ထဲမှာ လဲ ကြေနပ်မှုလုံးဝ မရှိဘူး။  ဇွန်လကုန်ပိုင်းလောက်ရောက်တော့  ကျောင်း နို့  တစ်ဘုတ်တွေမှာ၊ အဆောင်က နို့  တစ်ဘုတ်တွေမှာ စာတွေကပ်လာတာတွေ့ ရတယ်။  ဘာလဲဆိုတော့  ၁၉၆၂ခုနှစ် ဇူလိုင် ၇ရက်နေ့  စနေနေ့  မှာ ချုပ်ချယ်တဲ့  ကျောင်းဆောင်စည်းကမ်း၊ ကျောင်းစည်းကမ်းတွေကို ဆန့် ကျင်ကန့်  ကွက်ပွဲ  တကသ ကဦးစီးပြီး တကသ အဆောက်အဦမှာလုပ်မယ်။ ကျောင်းသားတိုင်းတက်ရောက်ကြတဲ့။

                               ဒီကြေငြာချက်ကတော့  ကျောင်းသားအားလုံးရဲ့  စိတ်ကို ဆွဲ ဆောင်နိုင်တဲ့ ကြေငြာချက်ဘဲ။  အားလုံးစိတ်ဝင်စားကြပြီး  အဲဒီနေ့  မှာ  တက်ရောက်ကြဘို့  စိတ်စောနေကြတယ်။  ကျောင်းသားတွေရဲ့  ရင်ကိုကိုင်လှုပ်နိုင်တဲ့  ကြေငြာချက်ပေါ့။

                                ဒီလိုနဲ့  ဇူလိုင်  ၆ရက်နေ့  ညကိုရောက်လာခဲ့တယ်။  ည ၈နာရိခွဲ လောက်နဲ့  တူတယ်။  မီးပျက်သွားတယ်။  စာကြည့် နေကြရင်းမီးပျက်သွားတော့ ကျောင်းသားတွေက ထပြီးအော်ကြဟစ်ကြတယ်။  တဆောင်ထဲမဟုတ်ဘူး။  အားလုံးဝိုင်းပြီး
 အော်ကြဟစ်ကြရာကနေ  အဆောင် အပေါ်ထပ်ကနေ စက္ကူတွေမီးရှို့  အောက်ကိုချတာတွေ ဖြစ်လာတယ်။  အဲဒီကနေ  အဆောင်တွေကို
 ဖေါက်ထွက်လာ တဲ့  ကျောင်းသားအုပ်ကြိးက  ပင်းယဆောင်ဘက်ကနေ  တို့ ပဲခူးဆောင်ဘက်ကိုပြေးလာကြတယ်။  အဆောင်ရှေ့  ဆင်ဝင်အောက် ရောက်တာနဲ့   ညာသံ ပေးပြီး  အဆောင် တံခါးမကြီးဖြစ်တဲ့  ဘာဂျာတခါးကို  တွန်းလိုက်  ဆွဲလိုက်  လုပ်လိုက်တာမီးနစ်ပိုင်းအတွင်းဘာဂျာတံခါးက သံတိုင်တွေ  လန်ထွက်သွားပြီး ကျောင်းသားတွေထွက်လို့  ရသွားတယ်။ 


                              ထွက်ကြဟေ့...ထွက်ကြဟေ့  လို့ အသံတွေ ကြားထဲမှာဘဲ  တို့ တတွေ အဆောင်အပြင်ဘက်ရောက်လာတယ်။
   ကျောင်းသားအုပ်ကြီးနဲ့  အတူတူပေါ့။  ပြီးတော့ သထုံဆောင်ဘက်ကို သွားပြီး  အဆောင်တံခါးကိုဖျက်ကြပြန်တယ်။  သထုံဆောင်ပွင့်  သွားလို့  ထွက်လာတဲ့  ကျောင်းသားတွေနဲ့ ပူးပေါင်းပြိး  အင်းဝဆောင်ဘက်သွားကြပြန်တယ်။  အင်းဝဆောင်ပွင့်  သွားပြီးတော့
  ကျောင်းသားတွေလည်း အုပ်စုက အများကြီးဖြစ်နေပြီ။  ဘာဆက်လုပ်ကြမလဲဆို  ကျောင်းသားရေးမှူး  ဆရာ ဦးယုခင်က  ပုဂံလမ်းထဲမှာနေတာ  သူ့  ကိုသွားပြောကြမယ်  ဆိုပြီး  ပုဂံ လမ်းကိုချီတက်သွားကြတာပေါ့။

                             ဒီကျောင်းသားအုပ်ထဲမှာလဲ တို့  ပခုက္ကူသားတွေ အကုန်တွေ့  ရလို့  ၀မ်းသာမိသေးတယ်။  ချုပ်ချယ်တဲ့စည်းကမ်း--အလိုမရှိ။  ချုပ်ချယ်တဲ့ စည်းကမ်း--ဖျက်သိမ်းပစ်  ဆိုတာ ကျောင်းသားတွေရဲ့  ကြွေူးကြော်သံပေါ့။

                              ဆရာဦးယုခင် အိမ်ရှေ့  ရောက်တော့  ကျောင်းသားတွေဝိုင်းအော်တာနဲ့ ဆရာနိုးလာပြီး  ထွက်စကားပြောတယ်။
  ကျောင်းသားတွေကလည်း  ကိုယ့် ခံစားချက်တွေကို  ပြောပြကြတယ်။  ဆရာကတော့  သူတင်ပြပေးပါ့မယ်ဘဲ ပြောနိုင်တာပေါ့။

                              ဆရာဦးယုခင်ထံက မတင်မကျအဖြေဘဲရခဲ့ ပြီး ကျောင်းသားတွေကမကြေနပ်ကြသေးလို့  အဓိပတိလမ်းဘက်
ပြန်ထွက်လာကြတယ်။  ကြွေးကြော်သံတွေတော့  တိုင်လျက်ဘဲပေါ့။ နောက် မန္တလေး၊ တောင်ငူ၊ အမရ၊ရာမည ဆောင်တွေကို  တံခါးတွေ လိုက်ဖွင့် ပေးပြီးဘီအိုစီကောလိပ်ဘက်မှာရှိတဲ့ပုဂံ၊ ပြည်၊တကောင်းဆောင်တွေဘက်သွားကြမယ်   ဆိုပြီးတက္ကသိုလ်ရိပ်သာလမ်း ကိုဖြတ်အထွက်မှာ  ကျောင်းသားရေးမှူး  ဆရာဦးစံထွန်း ရောက်လာတယ်။တပည့်တို့  --ကိုယ့် ကျောင်းဝန်းထဲဘဲ  ကိုယ်ဆန္ဒပြကြပါ။
 အပြင်မထွက်ကြပါနဲ့  လို့  ကျောင်းသားတွေကိုပြောတယ်။  ကျောင်းသားတွေကလည်း  ဆရာ  ဟိုဘက်က  တကောင်း ပုဂံ ပြည်ဆောင်တွေကိုလည်းသွားရမှာမို့  ပါ။ မိုးချုပ်ပါပြီ။  ဆရာပြန်အိပ်ပါတော့။  တခြား ဘာမှမလုပ်ပါဘူး နဲ့  ပြန်ပြောကြတယ်။

                                အဲဒီခေတ် အခြေအနေလေးသိရအောင် ဒီမှာ တခုလောက်ပြောရအုံးမယ်။ ဆရာဦးစံထွန်းက အော်လံ  လေးတခု
ကိုင်ပြီးပြောနေတာ။  ဘယ်လိုအော်လံ  လဲ။  သိကြလား။ ဟိုတုံးက  လမ်းဘေး မျက်လှည့်ဆရာတို့၊ လျက်ဆားရောင်းတဲ့သူတို့  ကိုင်ပြိးအော်တဲ့  အော်လံမျိုး။  သံဖြူပြားကို ဂဟေဆော်ပြီး လုပ်ထားတဲ့ အော်လံမျိုး။  ခုခေတ် လူငယ်တွေ  တွေ့ ဘူးမယ်တောင်မထင်ပါဘူး။  ခုခေတ်လို မိုက်ခွက်တွေ ဘာတွေ ပါတဲ့ ဟာမျိုးမဟုတ်ဘူး။အဓိပတိ လမ်းက အထွက်  ဆရာက ညောင်းလို့ ထင်ပါရဲ့အုတ်ခုံ လေးတခု
ပေါ်မှာထိုင်နေတုံး  စစ်ကိုင်းဆောင်က ကိုသက်တင်က ဆရာရဲ့  အော်လံကို ယူပြီး  ကြွေးကြော်သံတွေ  တိုင်လိုက်သေးတယ်။

                                  နောက် ပြည်၊ တကောင်း၊ပုဂံ ဆောင်တွေဘက်  ရောက် ကြွေးကြော်သံတွေ အော်ပြီး ကိုယ့်အဆောင်
ကိုယ်ပြန်လာကြပါတယ်။  ဒီတော့ မနက် ၄နာရိလောက်ရှိပြိ။  မနက် ကျောင်းတက်ရ အုံးမယ်။  လက်တွေ့  အတန်းတွေ ဆင်းရအုံးမယ် မဟုတ်လား။

                                 ကြားထဲမှာ တခုကျန်သွားတယ် ။ အဆောင်နေကျောင်းသားတွေ  အဆောင်တွေ ဖေါက်ထွက်လာကာစကတော့ တကသ အမှုဆောင်တွေ မပါဘူး။  သူတို့က  ကျောင်းထဲမှာ  နေတဲ့သူတွေ မဟုတ်တော့  ချက်ခြင်းမသိဘူးနဲ့  တူတယ်။  နောက်မှ
ရောက်လာပြီး  ကျောင်းသားတွေနဲ့  အတူဆန္ဒပြတဲ့  အထဲ  ၀င်ပါလာတယ်။  ကိုသက်  ကို တွေ့ လိုက်တယ်။

                                နောက်နေ့  ကြတော့ လက်တွေ့  သင်တန်းဆင်းရအုံးမယ်။  ပြီးရင် တကသ မှာ လုပ်တဲ့ ဆန့်  ကျင်ကန့်  ကွက်ပွဲ ကိုတက်ရအုံးမယ်။  ဒီတော့ ဒီနေရာမှာ အိပ်လိုက်အုံးမယ်နော်။  နောက်တပါတ်မှဆက်တာပေါ့။

                                အားလုံးအဆင်ပြေကြပါစေ။
                                သုစံ
                               ဧပြိလ၊ ၇ရက်၊ ၂၀၁၃ခု

                                    ကောလိပ်ဂျင်ဘ၀  တခဏ ( တတိယပိုင်း )

                      တို့  တတွေ တက္ကသိုလ် စတက်ခါစက  ခုလို မေဂျာစနစ်မဟုတ်ပါဘူး။  ဘယ်သူဘဲစတက်တက်၊  ဘယ်လိုင်းဘဲယူခြင်ယူခြင်  ဥပစာတန်း အပိုင်း(က) နဲ့  အပိုင်း (ခ) ကိုတက်ပြီးမှ လိုင်းခွဲတာပါ။  ဘာသာတွဲစနစ် ယူရတယ်လို့  ပြောရမှာပေါ့။ Combination system လို့  ခေါ်တယ်။  အင်္ဂလိပ်စာနဲ့  မြန်မာစာက မယူမနေရ။  ပြီးတော့မှ ကိုယ်သင်ခြင်တဲ့ ဘာသာ ၃ခုယူရတဲ့စနစ်ပါ။  ၀ိဇ္ဇာတွဲတွေမှာတော့ ဘယ်လိုတွဲတွဲသိပ်အရေးမကြီးလှပေမဲ့  သိပ္ပံတွဲကြတော့ တွဲခြင်တိုင်းတွဲလို့  မရပါဘူး။ ကိုယ်က ဥပစာတန်းပြီးလျှင် ဘယ်လိုင်းလိုက်ခြင်လဲ
 ပေါ်မှာ  မူတည်ပြီး  တွဲရပါတယ်။

                        ဆေးကျောင်းတက်ခြင်တယ်ဆိုရင်  Physics, Chemistry, Biology တွဲရပါတယ်။ဒါနဲ့  အောင်ရင် သစ်တောပညာရပ်
ကိုလည်းတက်လို့  ရတယ်။  ဒီအတွဲကို " အေ " ဘာသာတွဲလို့  ခေါ်တယ်။  အင်ဂျင်နီယာလိုင်းတက်ခြင်ရင် Physics, Chemistry, Maths တွဲရတယ်။  ဒါကိုကြတော့ " ဘီ " ဘာသာတွဲလို့  ခေါ်တယ်။  " စီ" ဘာသာတွဲကြတော့ Physics, Chemistry, Geology တွဲရတယ်။

                         ဥပစာ အပိုင်း (က) နဲ့  အပိုင်း (ခ)( I.Sc./ I.A. Part A and Part B) ပြီးလို့  ပျမ်းမျှအမှတ်-၅၀ နဲ့ အောင်လျှင် ဆေးလိုင်း၊ အင်ဂျင်နီယာလိုင်း လျှောက်လို့   ရတယ်။ ဒီလိုင်းတွေမတက်ခြင်ရင်  ရိုးရိုး ၀ိဇ္ဇာတန်း၊ သိပ္ပံတန်း (bachelor  class) တွေတက်ပြီး ( B.A. orB.Sc.)ဘွဲ့  တွေရနိုင်တယ်။  ဆက်တက်ခြင်ရင် Master တန်းတွေရှိတယ်။ ဒါကအမှတ်ကောင်းမှ။ ဥပဒေဘက်က B.L. တန်းလဲ
 ဆက်တက်ခြင်ရင်ရတယ်။  ပညာရေးဘက်လိုက်မယ်ဆိုရင် (D.T.-Dip. in Teaching ) ဒါမှမဟုတ် ဘွဲ့  လွန်ဖြစ်တဲ့ (Bachelor of Education ) ဆက်တက်ခြင်ရင်လဲရတယ်။

                         ဥပစာသိပ္ပံ အပိုင်း(က)ယူရင် စာမေးပွဲမေးခွန်းကြတော့ (I.Sc. part-A or 1st Year M.B.,B.S. Part-1) ဆိုတဲ့ မေးခွန်းလွှာကိုဖြေရတယ်။   ဆေးကျောင်းက  ဆေးရုံကြီးနားမှာ ရှိရမှာ သဘာဝမို့  ရန်ကုန်ဆေးရုံကြီးနားက  လမ်းမတော်မှာရှိတယ်။

                            ဒါက ဆေးပညာ မဟာဌာန ရဲ့  ဆေးကျောင်းပုံပါ။ ကျောင်းပြီးလျှင် M.B.,B.S. ဘွဲ့  ပေးပါတယ်။
               
                           ဘာသာတွဲ ဘီ နဲ့  အောင်ပြီး အမှတ်မှီရင် ကြို့  ကုန်း အင်ဂျင်နီယာမဟာဌာန က အင်ဂျင်နီယာကျောင်းမှာ ဆက်တက်နိုင်ပါတယ်။  B.Sc. (eng) ဘွဲ့  ပေးတယ်။

                         ဒါက အင်ဂျင်နီယာကျောင်းပါ။  ဆိုဗီယက်ယူနီယံ ကဆောက်ပေးတာပါ။  ယခုဆို ဒီနိုင်ငံ ကွဲပျက်သွားပြီး  ရုရှ ဖက်ဒရေးရှင်း နိုင်ငံ ဆိုပြီးဖြစ်သွားပါပြီ။ ဒီကျောင်းနံမည်ကလည်း ၃ကြိမ်ပြောင်းခဲ့ပါတယ်။ စဆောက်ခါစက ( Burma Institute of Technology) ဖြစ်ပြီး  နောက် (Rangoon Institute of Technology) ဖြစ်၊ ပြီးမှ (Yangon Institute of Technology ) ဖြစ်ခဲ့တာပါ။

                       ဒီလိုဘာသာရပ်တွေ အမျိုးမျိုးနဲ့  ကိုယ်ဝါသနာပါရာ ကိုယ်သင်ခြင်ရာ ဘာသာရပ်တွေကို သင်နိုင်ပါတယ်။   ကိုယ်ဖာသာကိုယ်လဲ  ဘိုင်အိုယူမယ်။  ဆေးကျောင်းတက်မယ်  ဆိုပြီး စိတ်ထဲအားခဲထားတာပါ။

                       ဒါပေမဲ့  သတင်းဆိုးကြီးတခုက ဗြုံးဆို ထွက်လာတယ်။  အထက်မြန်မာပြည်ကအောင်တဲ့  ကျောင်းသားတွေက မန္တလေးတက္ကသိုလ်မှာဘဲတက်ရမယ်။ အောက်မြန်မာပြည်ကအောင်တဲ့ သူတွေသာ ရန်ကုန်ကိုလျှောက်လို့  ရမယ်ဆိုတဲ့  သတင်းဟာ  ခုခေတ် ဖေ့ဘွတ်ထဲ ပါတဲ့ သတင်းလို ပြန့်  ထွက်လာတယ်။  ဒီသတင်းကြားတော့ တော်တော် စိတ်ဓာတ်ကျသွားတယ်။  ဘယ့်နှယ်  တို့  ကျောင်းသားတွေ အပေါ်ဘာဖြစ်လို့  အနိုင်ကျင့် ခြင်ရတာလဲ  ဆိုတဲ့ လူငယ်သဘာဝ မခံခြင်စိတ်ကလေးလဲ  ဒေါသနဲ့  အတူ တလူလူ တက်လာတယ်။  အနိုင်ကျင့်တတ်တဲ့  စစ်အာဏာရှင်ကို မုန်းတီးတဲ့ မျိုးစေ့ လေး စတင်ပြီး  အမြစ်၊ အညှောင့် လေးထွက်လာတာဆိုတာတော့ ကိုယ်တိုင်မစဉ်းစားမိသေးဘူးပေါ့။

                        နောက် တက္ကသိုလ်ဝင်ခွင့် လျှောက်လွှာတွေရတော့ ဘယ်တက္ကသိုလ်လျှောက်လျှောက်  ရတယ်လို့  ဆိုတော့  ရန်ကုန်ဘဲ
 လျှောက်လိုက်ပါတယ်။  ဒါပေမဲ့  ယူတဲ့ ဘာသာတွဲတွေကိုတော့  ဆရာ ဆရာမတွေက စစ်ဆေးပြီးမှ  လက်ခံမယ် ဖြစ်လာပြန်ရော။  တမျိုးမဟုတ် တမျိုး အချုပ်အချယ်ခံ  နေရတာဆိုတော့ရင်ထဲကအပင်လေးက ပို...ပိုပြီး  ကြီးသာလာတော့တာဘဲ။   မေလလယ်
လောက်မှာ ကျောင်းတက်ဘို့  ရန်ကုန်ဆင်းလာဖြစ်တယ်။  ဒါပေမဲ့ စိတ်ထဲကတော့ မတင်မကျ ကြီးနဲ့  ပေါ့။ ငါလျှောက်တဲ့ ဘာသာတွဲ ရမလား၊ မရဘူးလား ဘာမှန်းမသိဘူးပေါ့။

                         ရောက်ရောက်ခြင်း ဦးခင်လေးအိမ်မှာတည်းဖြစ်တယ်။  ဒီတုံးက ဦးခင်လေးက မအူကုန်းမှာနေတာ။  သူ့ မိသားစုကိုတော့ မခေါ်ရသေးဘူး။  မိသားစုကပခုက္ကူမှာဘဲရှိသေးတယ်။

                         အချိန်ရောက်တော့ ပြည်လမ်းလိပ်ခုံး  ထဲမှာ ဆရာ၊ ဆရာမတွေနဲ့  သွားတွေ့ ရတယ်။ဆရာ၊ ဆရာမတွေအများကြီး
 စားပွဲတလုံး ခုံနှစ်လုံးနဲ့  လိပ်ခုံးအဆောက်အဦထဲမှာထိုင်ပြီး ကျောင်းသားတွေလျှောက်တဲ့ ဘာသာတွဲတွေကိုစစ်ပေးနေရတာ။ ငါ့ အလှည့်ကြတော့ တာဝန်ကျဆရာနဲ့  သွားတွေ့  ရတယ်။  စာမေးပွဲအောင်တုံးက သင်္ချာနဲ့  အောင်ပြီး ခုဘာလို့  ဘိုင်အို ယူခြင်တာလဲ  ဆိုတဲ့ မေးခွန်းမေးတယ်။  ကျနော်တို့  ကျောင်းမှာ ဘိုင်အို မသင်လို့  ပါဆရာလို့  အမှန်အတိုင်းဘဲဖြေလိုက်ပါတယ်။  ဆရာက အေး...အေး...ဆိုပြီး လက်ခံတယ်လို့  မှတ်ချက် ရေးပေးလိုက်တယ်။  ဆရာ၊ဆရာမတွေလဲ  အာဏာနဲ့  ခိုင်းလို့  မလုပ်ခြင်ဘဲ ၀တ်ကြေတန်းကြေသာ  လုပ်နေကြတာကိုး  ဆိုတာ သဘောပေါက်မိတယ်။

                               လက်ခံလိုက်တော့  ကျောင်းလခသွင်း၊  ကျောင်းတက်ရပြီပေါ့။  ဦးခင်လေးအိမ်နဲ့  ကျောင်းနဲ့  က  တခြားစီလေ။  ပြီးတော့ သူ့  အိမ်ကနေ ကျောင်းတက်နေလို့  လဲ ဘယ်ဖြစ်မလဲ။  အဆောင်ကိစ္စ စုံစမ်းရပြန်တာပေါ့။   ဒီတော့  လာပြန်ပြီတမျိုး။  အထက်
မြန်မာပြည်က   အောင်တဲ့သူတွေကို  အဆောင်မပေးဘူး။  အောက်မြန်မာပြည်က  အောင်သူတွေသာအဆောင်ပေးမယ်တဲ့။
  အောက်မြန်မာပြည်က  ကျောင်းသားတွေပေးလို့  ပိုမှ အထက်မြန်မာပြည်က  အောင်သူတွေအတွက် စဉ်းစားမယ်တဲ့။
   " တောက် -  နိုင်တုံးလုပ်ထားကြပေါ့ကွာ "  လို့  ဘဲ စိတ်ထဲက ကြုံးဝါးနိုင်တဲ့ အချိန်၊ ဘာမှတော့ မပြောသာဘူးပေါ့။  ဒါနဲ့  လှည်းတန်း အပြင်ဆောင်တခုမှာ အခန်းငှားရတယ်။

                           အပြင်ဆောင်ကတော့ ကျဉ်းကျဉ်းလေးပေါ့။  လူတွေပြွတ်သိပ်ပြီး  ငြိမ်သက်မှုမရှိဘူး။ စိတ်မသက်မသာနဲ့  ဘဲ
  နေ   နေရင်း  အဆောင်စာရင်း ထွက်တာတွေကို  ကျောင်းချိန်အားတိုင်း  သွားသွား  ကြည့်ရတယ်။  အဆောင်ရုံးခန်းက ဟို သိပ္ပံ မဟာ ဌာနမှာ ၊ တို့ ကျောင်းတက်ရတာက လိပ်ခုံးမှာ  ဆိုတော့ အဝေးကြီး။ သူငယ်ချင်း တယောက်ကတောင် ပြောနေတယ်။  "  မောင်နှယ်  သွားကြည့်မနေပါနဲ့  ။  ရမှာမဟုတ်ပါဘူး။ "   တဲ့။

                            တပါတ်လောက်နေတော့  အဆောင်စာရင်း  ထွက်လာတယ်။  ပဲခူးဆောင်မှာရတယ်တဲ့။  စိတ်ထဲ အရမ်းပျော်သွားတယ်။  ခုနက သူငယ်ချင်းကတော့  အဲဒီတော့ မှ  အပြေးအလွှားသွားလျှောက်တယ်။  သူလည်း  နောက် တပါတ်လောက်ကျတော့ ရပါတယ်။  ဒါပေမဲ့ တို့  လို ဗဟိုဆောင် မရတော့ဘူး။  တကောင်းဆောင်မှာရတယ်။

                            ကိုရဲက သထုံဆောင်မှာရတယ်။  သထုံဆောင်မှာက ပခုက္ကူသားတွေပေါတယ်။  ကိုညွန့်  စံ၊ ကိုကက်စိန်( ယခု ဗိုလ်ချုပ်ကက်စိန်-ငြိမ်း) ကိုကြည်ဝင်း ( ကျောင်းသားခေါင်းဆောင်ယခုကွယ်လွန်) ကိုကျော်ဝင်း (မြိုင် သမ၀ါယမ) တို့  ရှိနေတယ်။
  ပြီးပဲခူးဆောင်။ ဒီမှာ  ငါ့အပြင်  ကိုသန်းထွန်း တယောက်ဘဲ  ပခုက္ကူသားရှိတယ်။  နောက်ပင်းယဆောင်။ ပခုက္ကူသားမရှိဘူး။
 ပြီးစစ်ကိုင်းဆောင်။  ဒီမှာလည်း ပခုက္ကူသားများတယ်။ ဆရာ ဦးကျော်အောင်က  အဆောင်မှူး။ ကိုရဲမြင့် (ယခုကွယ်လွန်)
ကိုသက်တင် (ဇမ္ဗုမဏ္ဍိုင် ပုံနှိပ်တိုက်) ကိုရဲထွတ်။ ပြီးတော့ အင်းဝဆောင်။ ဒီမှာတော့ ကိုဘိုနီတယောက်ဘဲရှိတယ်။

                            ကဲ...ကဲ   ၀မ်းသာတုံးလေး  တတိယပိုင်းကိုခဏ  ရပ်လိုက်ရအောင်နော်။   နောက်   ရေးရမှာတွေ  အများကြီး  ကျန်သေးတယ်။  ဆက်ရေးဘို့  အားရှိအောင် မြှောက်ပေး  အဲလေ--ယောင်လို့   အားပေးကြပါအုံး။ မှတ်ချက်ပေးကြပါအုံး။

                        အားလုံးအဆင်ပြေကြပါစေ။
                        ဒီသင်္ကြန်မှာ တရားထူး တရားမြတ်များတွေ့  ကြပါစေ။
                        သုစံ
                        ဧပြီလ၊ ၆ရက်၊ ၂၀၁၃ခု