လက်တို့ပြီးတော့ ပြောလိုက်အုံးမယ် (၃)
ဘလော့လေးတခု လုပ်ပါလား-ဟု သမီးက ခဏခဏ ပြောဘူးသည်။ ကိုယ်ဖတ်နေမိသည်များက အများနှင့်ဆိုင်သော
ဘလော့များသာ။ ဒီတော့ ဘလော့တခု လုပ်ပြီးလျှင် ရေးစရာ အကြောင်းတွေရှာရမည်။အားလုံးနှင့်ပါတ်သက်သော စာများလည်းဖြစ်သင့်သည်။
ဘလော့လုပ်ပြီး တလမှ တစောင်လောက်၊ နှစ်လမှ တစောင်လောက်တင်လို့လည်းမကောင်း။ လူတိုင်းနှင့်မဆိုင်သော ဘလော့များကိုလည်း ဘလော့ရှာဖွေနေရင်းတွေ့ဘူးပါသည်။ ဒါပေမဲ့ အမှတ်တမဲ့ပင်။ အလေးထားမကြည့်မိခဲ့။ ကိုကျော်စေက ဖေ့ဘွတ်မှာ မိသားစုအတွက်ရေးရင်
ရသည် ပြောလို့ ဖေ့ဘွတ်ကိုလေ့လာကြည့်မိသည်။ အများအားဖြင့် (gossip) များကိုသာတွေ့ရသည်။
ဒီနေရာမှာ မာကြီးရဲ့ (gossip) ကိုသုံးလိုက်ခြင်းပါ။ ကျောင်းကထွက်ကတည်း အင်္ဂလိပ်စာကို မလေ့လာဖြစ်တော့။
မာကြီးက ဒီစကားလုံးသုံးလိုက်တော့ ပထမ ဘာကိုဆိုလိုမှန်း အသေအချာမသိ။ အဘိဓာန်မှာရှာကြည့်တော့မှ အတင်းအဖြင်းပြောသည်
ဆိုတာသိရသည်။ ဒီစကားလုံးအတွက် မာကြီးသည် ကိုယ့်ရဲ့ ဆရာပါပေ။
ဒါကြောင့်ဖေ့ဘွတ်ကိုသိတ်မကြိုက်။ လုံခြုံမှုလည်းနည်းသည်ထင်မိသည်။ လက်တို့ပြီးတော့(၂) ကိုရေးပြီးတော့
ကိုမောင်မောင်က အကြံပြုလာသည်။ ဘလော့တခုလုပ်ပါလားတဲ့။ မိသားစုဘဲဖတ်လို့ ရတဲ့ဘလော့ လုပ်လို့ရတယ်လို့သူက
အကြံပေးလာသည်။ ဒီတော့ ကိုယ်ကလည်း ဘလော့တွေဖတ်နေတဲ့သူဆိုတော့ ဘလော့လုပ်နည်းကို ရှာဖွေလေ့လာမိသည်။ ဘလော့ဆရာကြီးညီလင်းဆက် ရေးထားတဲ့ ဘလော့လုပ်နည်းကို ရှာတွေ့လို့ဖတ်ကြည့်တော့အများနှင့်မဆိုင်သော ဘလော့ လုပ်နည်းကို
တွေ့လာသည်။ ဒီတော့ ဒီနည်းကိုအသုံးချပြီး ဒီဘလော့လေးကို တည်ဆောက်ဖြစ်တာပါ။
သမီး၊ ကိုကျော်စေ၊ ကိုမောင်မောင်၊ ညီလင်းဆက်တို့ ကိုကျေးဇူး အထူးတင်မိပါသည်ဟု ဒီအမှတ်(၃) အစမှာပြောပါရစေ။
အမှတ်(၂) ကိုရေးပြီးတော့ ဝေဖန်ချက်တွေကိုစောင့်ကြည့်မိသည်။၂ယောက်က ရေးပေးလာသည်။ဒီ၂ယောက်
ရေးပေးလာသော မှတ်ချက်များကို ဖတ်ကြည့်မိတော့ အလွန်တန်ဘိုးရှိသော မှတ်ချက်များဖြစ်နေကြောင်းတွေ့ရသည်။ ဒီအကြောင်းကို
ပြောပါရစေ။
ပထမ မှတ်ချက် က ကိုမောင်မောင်ထံမှဖြစ်သည်။ ( ဒေါ်အေး ကိုကျနော်လဲ နဲနဲမှီတယ်။ သူ့အကြောင်းကောင်းတာ
တစ်ခုက နေ့စဉ်မပြတ် ဘုရားရှိခိုးတာပဲ။ဝတ်မပြတ်သွားအောင် တော်တော်အလေးထားတာပါ။ ကျနော် ၁၀တန်းတုန်းက စာကြည့်ရင်း
လေ့ လာမိတာပါ သူ့ဝီရိယကို သဘောကျလို့ အမွှေးတိုင်ပူဇော်ဖို့ အမြဲ ပိုက်ဆံကျနော်ကထုတ်ပေးပြီး ကုသိုလ်ယူခဲ့သေးတယ်။
သိတာလေးနဲနဲ ထပ်ဖြည့်ပေးတာပါ။)
ဒုတိယမှတ်ချက် ကိုကျော်စေ ပေးတာပါ။( ဒေါ်အေး မပြောရဲတဲ့ ကိုကိုး ဆိုတာကိုတော့ ကျနော်က သိပြီးသားဗျ ... ဘွားဘွားရှိတုန်းကလဲ ပြောဖူးတယ် ...အမေကြီးစန်းပြန်ပြန်ပြောတာတွေလဲ ကြားဖူးတယ်ဗျ...ဒေါ်အေးကို မှတ်မိတာတော့
ကိုလေး(ဦးချစ်ခိုင်) နဲ့ တွဲပြီး ပြောရလိမ့်မယ်ဒေါ်အေးကို
ကိုလေးက အတော်စတယ် ခါးကနေသိုင်းပြီး ခဏခဏ ပွေ့ချီပြီး ရမ်းလေ့
ရှိတယ် ...
တခါတခါ ထမိန်ဆွဲချွတ် ပြီးတော့ စလေ့ရှိတယ် အဲဒါတော့ မှတ်မိတယ်...
ဒေါ်အေးမှာ ဒေါ်ဖွားဟန် ဆိုတဲ့ အစ်မရှိတာလဲ မှတ်မိတယ် ... ဒေါ်ဖွားဟန်က
ပြောင်းဖူးဖတ်ဆေးလိပ်ကြီးသောက်သလား လို့ဘဲ ခပ်ရေးရေးဘဲမှတ်မိတယ် ... kk)
ဒီမှတ်ချက်၂ခု ကိုဖတ်ပြီး အဘိဓမ္မာ သင်တန်းတုံးကဆရာတော်တွေသင်ခဲ့တာ ပြန်အမှတ်ရမိတယ်။
မြတ်စွာဘုရားက ဟောတယ်တဲ့။ကုသိုလ်၊အကုသိုလ် ဆိုတာ မြင်၊ ကြား၊ နံ၊ စား၊တွေ့ထိ၊ တွေး တဲ့အာရုံ၆ပါးကြောင့် ဖြစ်တာမဟုတ်ဘူး။ အာရုံနဲ့တွေ့တဲ့ အခါသင့်တင့်အောင် နှလုံးသွင်းခြင်း( ယောနိသောမနသိကာရ)၊ မသွင်းခြင်း (အယောနိသောမနသိကာယ)နှင့်ဆိုင်ပါသတဲ့။ သင့်တင့်အောင်နှလုံးသွင်းရင် ကုသိုလ်တရားဖြစ်ပြီး၊ မသွင်းတတ်ရင် အကုသိုလ်ဖြစ်ပါသတဲ့။ ဒီမှတ်ချက် နှစ်ခုက ဒီတရားကို ထင်ရှားစွာ မပေါ်လွင်စေဘူးလား။
ကိုကျော်စေ ပြောသလို ဒေါ်အေးမှာဒေါ်ဖွားဟန်ဆိုတဲ့အမတယောက်
ရှိပါတယ်။ သူတို့ပုံကိုလဲ မှတ်မိအောင်တင်လိုက်ပါတယ်။ သူ့မှာသမီးတယောက်၊ သားတယောက်လည်းရှိတယ်။ သမီးနံမည်ကတော့ မသန်းညွန့်လို့ခေါ်တယ်လို့မှတ်မိနေပါတယ်။ မချို ငယ်ငယ်က သူထိန်းခဲ့တာပေါ့။
မသန်းညွန့်ထိန်းနေတဲ့အချိန်တုံးက တခါမှာမမမြကားနဲ့ ရွှေတန့်တစ်ဘုရားကိုသွားဖူးကြတုံးက ဘုရားရင်ပြင်တော်ပေါ်က ကြေးခေါင်းလောင်းကြီးဘေးနားမှာ
လျှပ်တပျက်ရိုက်ခဲ့တဲ့ပုံပါ။ အဲဒီအခေါက် မှာပါခဲ့တဲ့သူတွေရဲ့ ပုံတွေပေါ့။ ပုံပေါ်ကို ကလစ်လိုက်ရင် ပုံကြီးထွက်လာမှာပါ။ မသန်းညွန့် ရင်ခွင်ထဲမှာထိုင်နေသူကတော့ မချိုပါ။ နောင်တော့မသန်းညွန့်လည်း အိမ်ထောင်ကျပြီး မီးဖွါးတဲ့အချိန်မှာဆုံးသွားတယ်လို့ ကြားပါတယ်။
သားကတော့ ကျွဲတဲရွာမှာ ဘုန်းကြီးဝတ်နေပါတယ်တဲ့။ ဒေါ်အေးဘ၀ရဲ့ နောက်ဆုံးကာလတွေမှာ ဥပုဒ်နေ့ဆို သားရဲ့ကျောင်းကိုသွားပြီး
ဥပုဒ်သီတင်းဆောက်တည်လေ့ရှိတယ်လို့ သိရပါတယ်။ ဒါကြောင့် သူကွယ်လွန်တော့ ရဟန်းမယ်တော် ဆိုပြီး စည်စည်ကားကားရှိခဲ့ပါသတဲ့။
မှတ်ချက် နှစ်ခုအပေါ် ကနေ ကောက်ချက်ဆွဲပြီး ရေးလိုက်တာနည်းနည်းရှည်သွားပြီ။
စိတ်ကူးထဲမှာ ပထမရေးမယ်လို့ရည်ရွယ်ထားတာက ဒါမဟုတ်ပါဘူး။ ဆက် ရေးရင်သိတ်ရှည်သွားမှာမို့ ဒီအပါတ်တော့ဒီလောက်ပါဘဲ။
မှတ်ချက်ကလေးတွေလောက်တော့ ရေးနိုင်ကြမယ်ထင်ပါတယ်။
သုစံ
